MUSTAFA PANJU KUINGIA KATIKA MBIO ZA UBUNGE ARUSHA MJINI

 Mkurugenzi mtendaji wa kampuni ya Bushbucks Safaris iliyopo jijini Arusha Mustafa Panju akiongea na vyombo mbalimbali vya habari ofisini kwake ,akitangaza rasmi kuwania kiti cha ubunge jimbo la Arusha mjini kupitia tiketi ya chama cha mapinduzi CCM

 Mkurugenzi mtendaji wa kampuni ya Bushbucks Safaris iliyopo jijini Arusha Mustafa Panju akiongea na vyombo mbalimbali vya habari ofisini kwake ,akitangaza rasmi kuwania kiti cha ubunge jimbo la Arusha mjini kupitia tiketi ya chama cha mapinduzi CCM kushoto ni mke wake

 Kassim Mamboleo ambaye ni katibu wa kamati ya ushindi ya mgombea Mustafa Panju akitoa utambulisho kwa vyombo vya habari

Taswira katika mkutano huo na waandishi wa habari

Na Pamela Mollel, Arusha

JIMBO la Arusha ni moja ya jimbo ambalo linaonekana kuwa  ni jimbo lenye siasa komavu, kutokana na hali hiyo limeonekana kuongoza kwa vurugu na uvunjifu wa amani , ambapo kupitia kwa Mtangaza nia wa ubunge jimbo la Arusha mjini  Mustafa Panju amewahakikishia wananchi

kurudisha amani hiyo.

Jimbo hilo ambalo linashikiliwa na Mbunge wa Arusha mjini kupitia 

chadema ,Godbless Lema ambaye hivi sasa ametangaza tena kulitaka jimbo 

, ambapo hadi hivi sasa jumla ya wagombea 18 kupitia chama cha

mapinduzi wamejitokeza kumg’oa mbunge huyo.

Akizungumza na waandishi wa habari jana  wakati akitangaza nia ya 

kuwania ubunge kupitia chama cha mapinduzi , Panju alisema kuwa ipo 

sababu ya kurudisha jimbo hilo mikononi mwa CCM kwa kuwa CCM ni chama

kinachopenda amani na kinachodumisha amani.

‘kila mmoja anatambua jinsi ambavyo jiji la Arusha hivi sasa halina 

amani kabisa na hakuna mtu anayedhubutu hata kutembea usiku , ila 

nitahakikisha linakuwa jiji la amani na utulivu na kuwawezesha 

wananchi wake kufanya shughuli zao bila hofu yoyote’alisema Panju.

Alifafanua zaidi kuwa,mbali na kurejesha amani jijini Arusha

atahakikisha anaondoa makundi mbalimbali yaliyopo miongoni mwa 

wananchi kwa kuwafanya wawe wamoja na wenye ushirikiano ili kuleta 

mabadiliko katika jimbo la Arusha kwa ujumla.

Pia alisema kuwa,wagombea wote wa nafasi ya ubunge katika chama ni 

wajibu wao kujenga Undugu,Upendo, na urafiki wakati wote ili kuepuka 

kujenga makundi ndani ya chama kwa misingi mbalimbali ya ukabila, 

udini na hata urangi.

Panju alisema kuwa, swala la kuwepo kwa makundi na vikundi katika 

vyama na kwa wananchi linapaswa kuangaliwa kwa umakini kwani 

likiendelea kuwepo linajenga uhasama ndani ya chama  na pia uhasama

unaoleta ubaguzi ndani ya nchi kwa ujumla