Kinondoni yasaini mkatana wa ushirikiano na jiji la Hamburg, kujengewa mtambo wa kisasa wa kuchakata taka za ugani

Manispaa ya Kinondoni jijini Dar es salaam imetiliana saini  mkataba wa mashirikiano ya kusaidiana na jiji la Hamburg la Ujerumani. Mkataba huo umesainiwa leo na Mstahiki Meya wa Kinondoni Mhe. Yusuf Mwenda na State Secretary wa Hamburg, Bw. Wolfgang Schmidt, ambapo  kutajengwa mtambo wa kisasa wa kuchakata taka za ugani na kuzalishwa mbolea eneo la Mabwepande wenye thamani ya shilingi za kitanzania ni bilioni 3.5 ambazo zitatolewa na jiji la Hamburg.

Mstahiki Meya alisema ukishajengwa mtambo huu sio tu Kinondoni itakuwa safi bali pia  ajira 1000 zitatengenezwa na pia  mbolea nyingi itapatikana na itatumika kwa faida ya kilimo.

Mstahiki Meya wa Kinondoni Mhe. Yusuf Mwenda na State Secretary wa Hamburg, Bw. Wolfgang Schmidt, wakipeana mikono baada ya kusaini mkataba wa mashirikiano ya kusaidiana na jiji la Hamburg la Ujerumani. Kulia ni Mkurugenzi wa Manispaa ya Kinondoni, Eng.Mussa Natty.