RAIS KIKWETE ATOA MKONO WA EID EL FITR KWA WATOTO YATIMA ,MAHABUSU YA WATOTO PAMOJA NA WAZEE WASIOJIWEZA

Watawa wa kituo cha kulea watoto yatima cha Mburahati wakipokea msaada wa Mbuzi,Mchele na Mafuta uliotolewa na Rais Jakaya Kikwete, kutoka kwa Kamishna Msaidizi wa Ustawi wa Jamii, Beatrice Fungamo katika hafla iliyofanyika leo katika Mahabusu ya Watoto Jijini Dar es Salaam.

Mwakilishi wa Kituo cha Darul Alqam, Shaban Mohamed akipokea msaada wa Mbuzi,Mchele na Mafuta uliotolewa na Rais Jakaya Kikwete, kutoka kwa Kamishna Msaidizi wa Ustawi wa Jamii, Beatrice Fungamo katika hafla iliyofanyika leo katika Mahabusu ya Watoto Jijini Dar es Salaam.

Kamishina Msaidizi wa Ustawi wa Jamii, Beatrice Fungamo akizungumza na waandishi wa habari juu ya msaada uliotolewa na Rais Jakaya Kikwete. (picha na Emmanuel Massaka wa Globu ya Jamii)

Na Chalila Kibuda ,Globu ya Jamii

RAIS Jakaya Kikwete ametoa mkono wa Edd El-Fitri katitka vituo mbalimbali vya kulea watoto yatima pamoja wazee wasio na uwezo ili waweze kusherehekea sikukuu hiyo ambayo inatarajiwa kufanyika kesho.

Akizungumza na waandishi habari wakati wa kukabidhi zawadi hizo, kwa niaba ya Rais Jakaya Kikwete, Kamishna Msaidizi wa Ustawi wa Jamii wa  Wizara ya Afya na Ustawi wa Jamii ,Beatrice Fungamo  amesema kuwa kufanya hivyo ni utamaduni uliowekwa na Rais Kikwete kukumbuka makundi maalum katika siku za sikukuu.

Beatrice amesema zawadi hizo zimetolewa katika mikoa ya Dar es Salaam,Arusha,Kilimanjaro ,Mbeya,Morogoro ,Tanga,Pemba pamoja na Unguja. Ambapo zawadi hizo ni kama Mbuzi, Mchele pamoja na mafuta ya kupikia.

Amesema kwa waliopata msaada huo watumie vizuri katika kuwafanya watoto washerekee  sikukuu kama watu wengine.