TAARIFA YA JESHI LA POLISI MKOA WA MBEYA

       TAARIFA YA JESHI LA POLISI MKOA WA MBEYA KWA VYOMBO VYA HABARI

   “PRESS RELEASE” TAREHE 14.09.2015.

·         MTU MMOJA MKAZI WA MWAMBANI WILAYANI CHUNYA AUAWA KWA KUPIGWA RISASI.

·         MTU MMOJA MKAZI WA ILEMI JIJINI MBEYA AUAWA KWA KUCHOMWA KISU SHINGONI.

·         MTOTO WA MIEZI MINNE AFARIKI DUNIA BAADA YA NYUMBA ALIMOKUWA AMELALA KUUNGUA MOTO.

KATIKA TUKIO LA KWANZA:

MTU MMOJA MKAZI WA MWAMBANI WILAYANI CHUNYA ALIYEFAHAMIKA KWA JINA LA NTIGA LUFWEGA (35) AUAWA KWA KUPIGWA RISASI ZA BUNDUKI AINA YA GOBOLE UBAVU WA KUSHOTO NA MTU ALIYEMFUATA NYUMBANI KWAKE ILI AKAMUUZIE NG’OMBE ENEO LA MAKAMBINI.

TUKIO HILO LIMETOKEA MNAMO TAREHE 13.09.2015 MAJIRA YA SAA 14:00 MCHANA HUKO KATIKA KITONGOJI CHA MWAMBANI-CHINI, KIJIJI NA KATA YA MWAMBANI, TARAFA YA KWIMBA, WILAYA YA CHUNYA, MKOA WA MBEYA. 

INADAIWA KUWA, MAREHEMU ALIKUWA NA PIKIPIKI YAKE YENYE NAMBA ZA USAJILI T.587 CWO AINA YA FEKON HUKU AKIWA AMEMPAKIZA MTU HUYO NA NJIANI ALIMPIGA RISASI KISHA KUONDOKA NA PIKIPIKI HIYO PAMOJA NA SIMU YA MAREHEMU AINA YA ITEL.

PIKIPIKI IMEPATIKANA KATIKA MJI MDOGO WA MAKONGOLOSI IKIWA IMETELEKEZWA MARA BAADA YA KUISHIWA MAFUTA.

KATIKA TUKIO LA PILI:

MTU MMOJA MKAZI WA ILEMI JIJINI MBEYA ALIYEFAHAMIKA KWA JINA LA BAHATI EDWARD (26) AFARIKI DUNIA WAKATI ANAPATIWA MATIBABU KATIKA HOSPITALI YA RUFAA MBEYA BAADA YA KUCHOMWA KISU SHINGONI NA MTU ASIYEFAHAMIKA.

TUKIO HILO LIMETOKEA MNAMO TAREHE 13.09.2015 MAJIRA YA SAA 12:00 MCHANA WAKATI MAREHEMU AKIWA NYUMBANI KWAKE HUKO ILEMI, KATA YA ILEMI, TARAFA YA SISIMBA, JIJI NA MKOA WA MBEYA.

MWILI WA MAREHEMU UMEHIFADHIWA KATIKA HOSPITALI YA RUFAA MBEYA. CHANZO CHA TUKIO HILO BADO KINACHUNGUZWA, UPELELEZI UNAEDELEA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MAHALI ALIPO/WALIPO WATUHUMIWA WA MATUKIO HAYA YA MAUAJI AZITOE KATIKA MAMLAKA HUSIKA ILI WAKAMATWE HATUA ZAIDI ZA KISHERIA DHIDI YAO.

KATIKA TUKIO LA TATU:

MTOTO WA MIEZI MINNE ALIYEFAHAMIKA KWA JINA LA ELIZABETH MWALUPEMBE MKAZI WA MBANGA WILAYANI CHUNYA AFARIKI DUNIA BAADA YA NYUMBA ALIMOKUWA AMELALA KUUNGUA MOTO NA KUTEKETEZA MALI ZILIZOKUWEMO.

TUKIO HILO LIMETOKEA MNAMO TAREHE 12.09.2015 MAJIRA YA SAA 20:00 USIKU HUKO KATIKA KITONGOJI CHA MBANGA, KIJIJI CHA MAPOGOLO, KATA YA CHOKAA, TARAFA YA KIWANJA, WILAYA YA CHUNYA, MKOA WA MBEYA.

NYUMBA HIYO AMBAYO NI MALI  YA PETER RICHARD MWALUPEMBE (30) MKAZI WA MBANGA YENYE CHUMBA NA SEBULE ILIYOEZEKWA KWA BATI   ILIUNGUA MOTO NA KUTEKETEA.  CHANZO CHA TUKIO HILO NI  BAADA YA MWENYE NYUMBA KUMIMINA MAFUTA AINA YA PETROLI KWENYE DUMU HUKU MSHUMAA UKIWA PEMBENI UNAWAKA HIVYO MOTO KULIPUKA WAKATI MAREHEMU AKIWA CHUMBANI AMELALA. 

AIDHA KATIKA TUKIO HILO PETER RICHARD MWALUPEMBE AMEJERUHIWA KWA KUUNGUA MOTO MWILI MZIMA NA HALI YAKE NI MBAYA. MAJERUHI AMELAZWA HOSPITALI YA WILAYA YA CHUNYA. THAMANI YA MALI ILIYOTEKETEA BADO KUFAHAMIKA.

Imesainiwa na:

[AHMED Z. MSANGI – SACP]

KAMANDA WA POLISI MKOA WA MBEYA.