TAASISI YA UONGOZI YAANDAA WARSHA YA NAFASI YA WADAU WA NGAZI YA MKOA, WILAYA NA HALMASHAURI KATIKA USIMAMIZI WA RASILIMALI ZA MAFUTA NA GESI ASILIA

 Kaimu Katibu Tawala wa Mkoa wa Mtwara Bw. Johansen Bukwali akisoma hotuba ya ufunguzi wa warsha ya usimamizi wa rasilimali za mafuta na gesi asilia kwa niaba ya mgeni rasmi Waziri wa Nchi -TAMISEMI Mh. Hawa Ghasia katika ukumbi wa hoteli ya NAF Beach mkoani Mtwara.

 Mkurugenzi wa Utafutaji na Uchimbaji wa gesi asilia na mafuta kutoka Shirika la Maendeleo ya Petroli (TPDC)

Eng. Kelvin Komba akitoa mada kuhusu hali ya utafutaji na muendelezo wa uzalishaji katika shughuli za gesi asilia na mafuta. Baadhi ya mada zilizowasilishwa ni kuhusu sera, sheria na mipango ya serikali katika sekta ya gesi asilia na mafuta; na fursa za ushirikishwaji wa watanzania katika mnyororo wa shughuli za gesi asilia na mafuta.

 Wadau wa sekta ya gesi asilia na mafuta kutoka taasisi mbali mbali wakifuatilia warsha hiyo. Mada zingine

zilizowasilishwa ni madhara ya kijamii na kimazingira kutokana na uchimbaji wa nishati hizo; pamoja na wajibu wa wadau wa serikali za mitaa katika kuendeleza sekta hiyo. 

Wadau wa sekta ya mafuta na gesi asilia wakiwa katika picha ya pamoja mara baada ya kuhitimisha warsha ya siku moja iliyokuwa inahusu nafasi ya wadau kutoka ngazi za mkoa, wilaya na halmashauri katika usimamizi wa rasilimali za mafuta na gesi asilia iliyofanyika mkoani Mtwara.