TEA YATOA MKOPO WA SH. BILIONI TATU KWA TAASISI YA ELIMU TANZANIA(TIE)

 Katibu Mkuu wa Wizara ya Elimu na Mafunzo ya Ufundi,Profesa, Sifuni Mchome  akizungumza  wakati wa makubaliano ya mkataba wa mkopo kati  ya Mamlaka ya Elimu  Tanzania  (TEA) na  Taasisi ya Elimu Tanzania (TIE) iliyofanyika leo jijini Dar es Salaam. Kushoto ni Kaimu Mkurugenzi Mkuu TEA, Joel Laurent na Kulia ni Mkurugenzi Mkuu wa TIE,Dk.Paul Mushi.

 Katibu Mkuu wa Wizara ya Elimu na Mafunzo ya Ufundi,Profesa Sifuni Mchome  akisaini makubaliano ya mkataba wa mkopo kati ya Mamlaka ya Elimu  Tanzania  (TEA) Taasisi ya Elimu Tanzania (TIE) iliyofanyika leo jijini Dar es Salaam,Kushoto ni Kaimu Mkurugenzi Mkuu TEA,Joel Laurent na Kulia ni Mkurugenzi Mkuu wa TIE,Dk.Paul Mushi

Katibu Mkuu wa Wizara ya Elimu na Mafunzo ya Ufundi,Profesa Sifuni Mchome (katikati) akiwa katika picha ya pamoja na watendaji wa TEA na TIE mara baada ya  kumalizika makubaliano kati ya taasisi hizo iliyofanyika leo jijini Dar es Salaam.

Na Chalila Kibuda,Globu ya Jamii

MAMLAKA ya Elimu Tanzania (TEA) imeingia makubaliano na Taasisi ya Elimu Tanzania (TIE) ya mkopo wa sh.Bilioni Tatu kwa ajili ya kuiwezesha TIE kufanya utafiti wa kubaini mahitaji ya mabaoresho  kwa kushirikiana na wadau mbalimbali wa elimu.

Katika utafiti huo TIE itaandaa  mitaala na mihtasari ya masomo ya shule ya msingi, kuandika vitabu  vya kiada kwa darasa la tatu hadi la Sita ikiwa ni sehemu ya utekelezaji wa sera ya Elimu na Mafunzo ya mwaka 2014.

Akizungumza na waandishi wa habari wakati wa kuingia makubaliano hayo, Kaimu Mkurugenzi  Mkuu wa TEA,Joel Laurent mkataba  wa mkopo  huo  ni nafuu ambao unatakiwa kulipwa katika kipindi cha miaka sita.

Amesema TEA itaendelea kushirikiana na TIE kwa kuzingatia sera mpya ya elimu ya mwaka 2014 na TIE kuridhia mkopo maombo ya mkopo ili kuhakikisha uwepo mihtasari ,Mitaala na vitabu vya kiada kwa darasa la tatu hadi la sita vinavyoendana na mahitaji.

Kwa upande Mkurugenzi Mkuu wa TIE, Dk.Paul Mushi amesema matokeo tarajiwa kutokana na mkopo huo ni pamoja na uwepo wa mitaala inayoendana nan a wakati na inayokidhi mahitaji ya sekta shirikishi ,uwepo wa mihutasari ya masomo  itakayosambazwa katika kila shule kama ilivyoainishwa  katika mitaala na uwepo wa vitabu  vya kiada kulingana na mitaala ili kuepusha kuwa na vitabu vinavyotaofautiana.

Aidha amesema ufadhili unalenga kuiongezea TIE kuelekeza majukumu yake kwa njia yenye tija na kuongeza mapato ya taasisi hiyo.