TAARIFA KWA WATEJA WA BENKI YA NMB NA UMMA KWA UJUMLA

Katika kufikia ahadi yetu iliyopo kwenye malengo na dira ya benki ya kuwa taasisi ya fedha inayopendelewa zaidi nchini kupitia mtandao mpana wa matawi unaotoa huduma kwa gharama nafuu zaidi zenye kumlenga mteja na jamii ya watanzania,

Tunapenda kuwataarifu wateja wetu na umma kwa ujumla kuwa matawi yetu yote yatafungwa siku ya Alhamisi Novemba 5, 2015 ili kupisha sherehe za kitaifa za kuapishwa kwa Dkt. John Pombe Magufuli kuwa Raisi wa awamu ya tano wa Jamhuri ya Muungano wa Tanzania.

Huduma zitarejea tena katika matawi yetu yote siku ya Ijumaa Novemba 6, 2015 kuanzia saa 2:30 asubuhi.

Ili kuhakikisha kuwa tunaendelea kukupatia huduma bora siku hiyo, njia mbadala za kibenki kama ATM, NMB mobile, NMB Wakala na Internet Banking zitaendelea kufanya kazi kama kawaida kwa masaa 24.

Hata hivyo, kituo chetu cha huduma kwa wateja kitaendelea kuwa wazi mpaka saa 2:00 usiku. Hivyo unaweza kuwasiliana na kituo chetu cha huduma kwa wateja kwa kupiga simu ya bure 0800 11 22 33 kwa msaada zaidi.

Imetolewa na Menejimenti ya NMB