Uongozi
wa Kampuni ya Reli Tanzania TRL umetangaza kusitisha kwa muda kuanzia jana
Januari 01, 2016, huduma zake baada ya eneo la reli ya kati ya Kilosa
mkoani Morogoro na Gulwe mkoani Dodoma
tuta la reli kukumbwa na Mafuriko.
Kwa
mujibu wa taarifa za kifundi eneo lililoathiriwa na mafuriko ni kubwa hivyo Wahandisi
na Mafundi wa TRL wako eneo la mafuriko kutathmini ukubwa wa kazi yenyewe.
Kutokana
na uamuzi huo treni ya abiria kutoka
bara ilibidi safari yake ikatizwe ilipofika Dodoma na tayari utaratibu unaandaliwa
wa kupata mabasi 17 kuwasafirisaha hadi Dar es Salaam abiria 1,119 . wa treni
hiyo.
Hali
kadhalika kwa vile tarahe ya kuanza tena huduma bado haijaujulikana, safari zote kuanzia jana Januari 01, 2016, kwenda bara zimefutwa na abiria husika
wametakiwa kufika katika vituo vya reli walikokata tiketi ili warejeshewe fedha
zao na kupata fursa ya kutafuta usafiri mbadala.
Aidha
imesisitizwa kuwa Uongozi kwa wakati muafaka itatoa taarifa kamili kuhusu lini huduma za TRL kwenda bara zitaanza tena.
Imetolewa
na Afisi ya Uhusiano kwa niaba ya
Kaimu
Mkurugenzi Mtendaji wa TRL Mhandisi Elias Mshana.
Dar
es Salaam,
Januari
02, 2016
Tatizo la mafuriko eneo hili ni la kila msimu wa mvua au mvua kubwa ikinyesha. wizara husika zifanye utafiti wa kumaliza kero hii.
ReplyDeleteMoja ya njia ya kudhibiti mafuriko eneo hili la kero ni kufanya survey ya mito ya maji na ''contours'' zinazoelekeza maji maeneo ya mafuriko ktk reli, vijiji, miji au hata ktk jiji la DSM eneo la Jangwani.
Baada ya kubaini vyanzo vinavyo kusanya maji ya mito na ''contours'' za maeneo yanayokusanya maji yatakayosababisha mafuriko kinachofuata ni kujenga ''mabwawa'' katika maeneo ya vyanzo halisi vya mafuriko ambayo mara nyingi yapo mbali sana na reli au eneo la Jangwani DSM.
Kwa kujenga vizuizi hivyo vya maji a.k.a mabwawa, malambo, kuta n.k vyenye milango ya kuruhusu/kuzuia mtiririko wa maji kiholela ktk vyanzo ya mafuriko basi tutaweza kuzuia mafuriko kutokea ktk maeneo ''korofi'' ya mafuriko kwa kudhibiti mtiririko wa maji kwenda maeneo ya reli n.k
Na mwisho mabwawa , malambo, kutumiaka kama vyanzo vya matumizi ya maji na pia kumaliza tatizo ''endelevu la mafuriko kila mvua ikinyesha''
Nakumbuka kuna mdau Dr. Sayyid PhD alitoa mada nzuri sana hapa ktk globu ya jamii kuhusu namna ya kudhibiti mafuriko wiki iliyopita, tamaa yangu ni kuwa wahusika wanasoma mawazo haya na kuyafanyia kazi.
Mdau
Christos Papachristou
Diaspoara.