TAARIFA YA JESHI LA POLISI MKOA WA MWANZA KWA UMMA

MWANAFUNZI WA CHEKECHEA SHULE YA MSINGI ISANGIJO ALIYEJULIKANA KWA JINA LA BARBANAS NKILIJIWA MIAKA 8 AMEFARIKI DUNIA PAPO HAPO NA MWENZAKE AITWAYE SHOWA PAUL MIAKA 10 AKIPATA MAJERAHA KWENYE MGUU WA KULIA NA UNYAYO, HII NI BAADA YA KUGONGWA NA GARI WALIPOKUA WAKIVUKA BARABARA. 
AJALI HIYO IMETOKEA MNAMO TAREHE 16.05.2016 MAJIRA YA SAA 07:30HRS KATIKA BARABARA YA MWANZA – MUSOMA KWENYE ZEBRA CROSS ENEO LA SHULE YA MSINGI ISANGIJO KATA YA BUKANDWE TARAFA YA SANJO WILAYA YA MAGU MKOA WA MWANZA, ILIYOHUSISHA GARI NAMBA T.155 DFX AINA YA TOYOTA HIACE MIN BUS LIKIENDESHWA NA DEREVA AMBAYE HAKUFAMIKA JINA AMBAYE ALITOROKA BAADA YA AJALI HIYO KUTOKEA. 
MAJERUHI TAYARI AMEPATIWA MATIBABU NA KURUHUSIWA.

AIDHA BAADA YA AJALI HIYO KUTOKEA WANANCHI WENYE HASIRA KALI WALIZIBA BARABARA KWA MAWE MAKUBWA ILI KUZIA MAGARI YASIWEZE KUPITA HUKU WAKISHINIKIZA KUWEKWA MATUTA YA KUDUMU KATIKA ENEO HILO ILI KUZUIA AJALI, KWASABABU ZIMEKUA ZIKITOKEA MARA KWA MARA.  
ASKARI POLISI WALIPOFIKA ENEO LA TUKIO WALIWEZA KUONGEA NA VIONGOZI WA WANANCHI HAO WALIOKUA WAKITOA MALALAMIKO KWAMBA WANATAKA KUWEKWE MATUTA YA KUDUMU PAMOJA NA KUWEPO NA ASKARI WA USALAMA BARABARANI AMBAE ATAKUEPO MUDA WOTE MAHALI HAPO, NA BAADA YA MAZUNGUMZO WANANCHI HAO WALIAFIKI MAWE YAKATOLEWA NA MAGARI YAKAANZA KUPITA.

KAMANDA WA POLISI MKOA WA MWANZA KAMISHINA MSAIDIZI MWANDAMIZI WA POLISI AHMED MSANGI AMESEMA  “DEREVA WA GARI HIYO ANATAFUTWA NA JESHI LA POLISI NA KUHAKIKISHA ANAKAMATWA”, PIA ANATOA WITO KWA WATUMIAJI WA VYOMBO VYA MOTO BARABARANI KUZINGATIA ALAMA NA SHERIA ZA USALAMA BARABARANI ILI KUWEZA KUZUI AJALI ZINAZOWEZA KUEPUKIKA.

IMESAINIWA NA:

SACP: AHMED MSANGI

KAMANDA WA POLISI (M) MWANZA