Zantel wafanya kazi za kijamii kwa kusafisha mazingira ya Forodhani Zanzibar

 Ofisa Mtendaji Mkuu wa Zantel Tanzania, Benoit Janin (wa tatu kulia), akiwa na baadhi ya wafanyakazi wa kampuni hiyo wakifanya usafi eneo la Forodhani mjini Zanzibar mwishoni mwa wiki ikiwa ni sehemu ya juhudi za Zantel  kujitolea kufanya kazi za jamii.. Mara baada ya kufanya usafi, Zantel ilikabidhi vifaa mbalimbali vya kufanyia usafi vyenye thamani ya zaidi ya shs milioni 3 kwa uongozi wa serikali ya mji huo  kama sehemu ya kurudisha sehemu ya mapato yao  kwa jamii wanayofanya nayo biashara.

 Mkuu wa Zantel Zanzibar, Mohamed Khamis (kulia) akikabidhi vifaa mbalimbali vya kufanyia usafi  kwa mwakilishi wa manispaa,  Khamis Msabah vilivyotolewa na Zantel ikiwa ni sehemu ya juhudi zao kufanya kazi za kijamii na kurudisha sehemu ya faida waipatayo kwa jamii. Awali ofisa mtendaji wa kampuni hiyo akiwa na baadhi ya wafanyakazi walifanya usafi katika eneo la Forodhani,  visiwani humo.

 Ofisa Mtendaji Mkuu wa Zantel Tanzania, Benoit Janin (kulia), akitoa zawadi ya vocha kwa wateja waliokuwa wakihudumiwa katika kituo cha huduma kwa wateja cha Vuga mjini Zanzibar ikiwa ni moja ya kuonyesha shukrani kwa wateja wao. Ofisa huyo pamoja na baadhi ya wafanyakazi wa kampuni hiyo walikuwa visiwani humo mwishoni mwa wiki ambapo walitembelea wateja na wakala wao na baadae kufanya shughuli za kusafisha mazingira eneo la Forodhani na pia kukabidhi vifaa vya kufanyia usafi kwa uongozi wa manispaa ya mji humo ikiwa ni mwendelezo wa shughuli a kuhudumia kijamii. Kulia kwake ni Mkuu wa Zantel Zanzibar, Mohamed Khamis Baucha. 

Baadhi ya wafanyakazi wa Zantel wakishiriki zoezi la kufanya usafi eneo la Forodhani mjini Zanzibar ikiwa ni sehemu ya juhudi za kampuni hiyo kujitolea kufanya kazi za kijamii.