RAIS MAGUFULI AMPA POLE KANGI LUGOLA KWA KUFIWA NA MKEWE

*Lugola atoa ratiba ya maziko ya mkewe, 

kuagwa Dar, kuzikwa Mwibara

Na Said Mwishehe, Blogu ya Jamii

RAIS Dk.John Magufuli ametia saini Kitabu cha Maombolezo na kumpa pole, Naibu Waziri wa Nchi, Ofisi ya Makamu Muungano na Mazingira  Kangi Alphaxd Lugola aliyefiwa na mkewe Kamishina Msaidizi wa Polisi Mary Lugola.

Kamishna Mary amefariki dunia jana asubuhi akiwa katika Hospitali ya  Rabinisia jijini Dar es Salaam ambako alikuwa amelazwa akipatiwa matibabu.

Rais Dk.Magufuli alifika nyumbani kwa Kangi Lugola Gerezani Railway jijini Dar es  Salaam ambako ndiko msiba ulipo. Akiwa msibani Rais Magufuli ametia saini kitabu cha maombolezo na kumpa pole Lugola kwa kufiwa na mkewe Kamishna Msaidizi wa Polisi Mary Lugola. 

Wakati huohuo,  akizungumza na Michuzi blog kwa njia ya simu leo,Kangi Lugola amesema mkewe anatarajiwa kuagwa Januari 4 mwaka huu, kuanzia saa nne asubuhi nyumbani kwake Gerezani.

Amesema mwili utawasili nyumbani kutokea Hospitali ya Lugalo asubuhi na kisha waombolezaji wataaga mwili. Saa nane mchana mwili utasafirishawa kuelekea kijijini Mwibara mkoani Mara kwa ajili ya mazishi yatakayofanyika Januari 5 mwaka huu.

"Tunatarajia kuaga mwili wa marehemu mke wangu January 4 mwaka huu, na ikifika saa nane mchana tutausafirisha kwenda Mwibara,"amesema Kangi Lugola. 

 Rais wa Jamhuri ya Muungano wa Tanzania Dkt. John Pombe Magufuli akitia saini kitabu cha maombolezo alipofika Gerezani Railways Club jijini Dar es salaam leo January 2, 2018  kwenye msiba wa Marehemu Kamishna Msaidizi wa Polisi Mary Lugola aliyekuwa mke wa  Naibu Waziri Ofisi ya Makamu wa Rais (Muungano na Mazingira) Mhe. Kangi Lugola aliyefariki jana.

 Rais wa Jamhuri ya Muungano wa Tanzania Dkt. John Pombe Magufuli akitoa mkono wa pole kwa wafiwa alipofika Gerezani Railways Club jijini Dar es salaam leo January 2, 2018  kwenye msiba wa Marehemu Kamishna Msaidizi wa Polisi Mary Lugola aliyekuwa mke wa  Naibu Waziri Ofisi ya Makamu wa Rais (Muungano na Mazingira) Mhe. Kangi Lugola aliyefariki jana.

 Rais wa Jamhuri ya Muungano wa Tanzania Dkt. John Pombe Magufuli    akimfariji  Naibu Waziri Ofisi ya Makamu wa Rais (Muungano na Mazingira) Mhe. Kangi Lugola  kwenye msiba wa  mkewe MarehemuKamishna Msaidizi wa Polisi Mary Lugola Gerezani Railyways Club jijinio Dar es salaam leo January 2, 2018 

Rais wa Jamhuri ya Muungano wa Tanzania Dkt. John Pombe Magufuli akiagana na  wanafamilia alipofika Gerezani Railways Club jijini Dar es salaam leo January 2, 2018  kwenye msiba wa Marehemu Kamishna Msaidizi wa Polisi Mary Lugola aliyekuwa mke wa  Naibu Waziri Ofisi ya Makamu wa Rais (Muungano na Mazingira) Mhe. Kangi Lugola aliyefariki jana.

PICHA NA IKULU