TAASISI YA JIOLOJIA NA UTAFITI WA MADINI TANZANIA IMEONGEA NA VYOMBO VYA HABARI JUU YA MAFANIKIO MBALIMBALI YA TAFITI ZA AWALI ZA JIOSAYANSI NCHINI.

 

Mtendaji Mkuu wa GST Dkt Mussa Budeba ameongea na vyombo vya habari juu ya mafanikio mbalimbali ya tafiti za awali za jiosayansi ilizofanya katika sehemu mbalimbali za nchi ambazo ndio chanzo cha migodi ya madini nchini.

Mazungumzo hayo yamefanyika leo katika banda la maonesho la GST lililopo katika Kituo cha Kimataifa cha Julius Nyerere kilichopo Jijini Dar es salaam.

Sambamba na Dkt Budeba wataalam wengine waliozungumza ni pamoja na Mkurugenzi wa Kurugenzi ya Kanzi Data GST , Bi Yokbeth Myumbilwa , Mjiolojia waandamizi John Kalimenze na Kaimu Mkurugenzi Huduma za Maabara GST Notka Banteze.

Nguli wa Sheria nchini Kenya, Patrick Luch Otieno Lumumba (P.L.O Lumumba) ametembelea Banda la GST lililopo katika Mkutano wa Kimataifa wa Uwekezaji katika Sekta ya Madini nchini 2021 unaoendelea katika ukumbi wa Mikutano wa Mwalimu Julius Nyerere jijini Dar es Salaam.