PAZIA la Kusaka Mrembo atakae iwakilisha Kanda ya ziwa yafunguliwa rasmi.
Akizungumza na Michuzi Tv Muandaaji wa Shindano Hilo kwa upande wa Mwanza Phinnley Ngeta amesema kwa Sasa wamefungua rasmi Shindano Hilo na wapo tayari kupata warembo wataokidhi vigezo vya kushiriki Miss Mwanza na hatimae kuwania Taji la Miss Tanzania.
"Tumefunga rasmi Shindano la Miss Mwanza na tunategemea kupata Warembo wazuri wasomi bila kusahau wenye vipaji vingi,hivyo nitamke rasmi na kuwakaribisha warembo kuchukua fomu ili kushiriki kikamilifu."
Hata hivyo Ngeta amesema wanatarajia Kufanya usahili mwishoni mwa mwezi May 29 mwaka huu ili kufanya mchujo wa Kwanza na kupata Washiriki watakaoweza kuingia kambini.
"Tutegemee kupata Mrembo atakaeweza kuiwakilisha vizuri Kanda ya ziwa na ikumbukwe tu Miss Tanzania 2019 Sylivia bebwa alitokea Kanda ya ziwa hivyo tutegemee Tena Taji hilo kubakia Mwanza kwa Mara nyingine tena na Mrembo alikua na nidhamu Sana kiasi Kwamba mpaka Leo ameweza kukaa na Taji Hilo bila purukushani yoyote kuanzia kwenye jamii mpaka kwenye mitandao"
Pia amewaomba Wadau wa urembo kujitokeza Kudhamini Shindano Hilo ili kufanikisha Mchakato mzima.
"Kufanya Shindano Kama hili sio tu kwa ajili ya Warembo tu bali ni Mojawapo ya njia nzuri ya kutangaza vivutio vya Utalii na Kwa Kanda ya ziwa tumebarikiwa vitu vingi ikiwemo vyakula aina ya Samaki Sato kutoka ziwani na vitu vingi."
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...