SENSA YA VYOMBO VIDOGO VYA USAFIRI MAJINI YAENDELEA KWA KASI MKOANI MWANZA NA TANZANIA BARA

SHIRIKA La Uwakala wa Meli Tanzania (TASAC), Wizara ya Uvuvi na Mifugo  na NBS wanashirikiana kuendesha zoezi la Sensa  ya Vyombo Vidogo vya Usafiri Majini Jijini Mwanza na Tanzania Bara katika mialo mbalimbali.

Kabla ya kuendesha mazoezi hili yalitolewa mafunzo ya ukusanyaji wa takwimu za Sensa ya Vyombo vya Usafiri Majini na Uvuvi Tanzania Bara yaliyohusisha watendaji wa TASAC, NBS na Maafisa Uvuvi kutoka mikoa mbalimbali.

Lengo kuu la Sensa hii ni kutaka kujua idadi ya vyombo vidogo vya Usafiri Majini ili kutengeneza kanzidata itakayosaidia katika kupanga maendeleo ya kiusalama na kiuchumi katika Taifa.