KIONGOZI WA MBIO ZA MWENGE AZITAKA KAMATI ZINAZOSIMAMIA MIRADI KUHAKIKISHA WANAFUATA TARATIBU ZA FEDHA

 

Na Mashaka Mhando, Muheza

KIONGOZI wa mbio za Mwenge Kitaifa mwaka 2022, Sahil Geraruma, amezitaka kamati zinazosimamia miradi mbalimbali nchini kuhakikisha wanafuata taratibu za za kifedha ili miradi inayotekelezwa isiwe na kasoro.

Akizungumza katika mradi wa kwanza tangu aingie wilayani Muheza kutokea wilayani Mkinga, Kiongozi wa mbio za  Mwenge Kitaifa mwaka 2022 alisema serikali ya awamu ya sita chini ya Rais Samia Suluhu Hassan imetoa fedha kugharamia miradi mbalimbali hivyo ni vema ikasimamiwa vizuri.

Alisema hayo baada ya kukagua nyaraka za mradi wa nyumba nne za shule ya sekondari Misozwe pamoja na nyumba ya mganga Mkuu wa hospitali ya wilaya  ambapo alizikuta kasoro katika sehemu za utiaji wa sahihi unaopaswa kuwekwa na Mkurugenzi wa halmashauri hiyo imewekwa na mtu mwingine.

"Mradi huu ni mzuri mmejitahidi na hongereni kwa kuutekeleza japo kuna dosari ndogo ndogo za nyaraka za malipo zipo tofauti kati vipengele," 

"Viongozi mnaopewa dhamana ya kusimamia miradi fuateni taratibu mnajisahau hasa katika suala la nyaraka za malipo, ubora wa majengo tunautazama hata katika nyaraka za malipo," alisema.

Akiwasilisha ujumbe wa mbio za Mwenge mwaka huu, kiongozi huyo aliwataka wananchi wajitokeze katika zoezi la sensa ya watu na makazi itakayofanyika Agosti 23 mwaka huu, kwa ajili ya muskabali wa Maendeleo ya nchi.

Awali akiupokea mwenge huo Mkuu wa wilaya ya Muheza Halima Bulembo akiwa na mbunge wa jimbo hilo Hamisi Mwinjuma almaarufu MwanaFA,  alisema Mwenge wa Uhuru utatembelea miradi ya Maendeleo ipatayo nane katika sekta ya afya, elimu na maendeleo ya jamii yenye thamani ya shilingi bilioni 1.7.

Mkuu wa wilaya alisema katika miradi hiyo miwili itazinduliwa na miwili kuwekewa mawe ya msingi na miradi mingine minne itaonwa.

Mkurugenzi Mtendaji wa halmashauri ya Muheza Nassib Mmbaga alisema miradi iliopitiwa na Mwenge ni pomoja na mwenge kupokea taarifa za zoezi la anuani za makazi na maandalizi ya uhamasishaji na utoaji wa elimu ya sensa ya watu na makazi kwa jamii katika kijiji cha Kicheba.

Alisema pia mwenge umekabidhi meza, viti na makabati kwa ajili ya wanafunzi wenye mahitaji maalumu, samani zilizotengenezwa na fedha za Mwenge.

Pia Mkurugenzi huyo alisema mwenge ulipokuwa Muheza umeweza kufungua mradi wa vyumba vitatu vya madarasa vilivyojengwa kwa fedha za Uviko-19 na vyumba 4 vilivyomaliziwa na fedha zilizopatikana kutokana na fedha za tozo na fedha za serikali katika eneo la kata ya Genge.

Akizungumza katika mradi wa uwezeshaji kiuchumi kwa vijana wa usindikaji wa mkonge katika kitongoji cha Masimbani kilichopo kata ya Kwemkabala, mbunge wa Muheza MwanaFA aliwapongeza vijana katika mradi huo aliosema umemfurahisha kwa vile umelenga kuwaondoa katika umasikini.

Alisema mwenge unapopita kukagua na kuzindua miradi unasaidia kuhakikisha fedha zilizotolewa na serikali zinatumika vizuri katika miradi ya maendeleo.

"Mradi huu ni mzuri na nineupenda, hawa akina mama na baba wakifanya vizuri katika mradi huu watakuwa mamilionea," alisema MwanaFA.

Miradi yote minane imefunguliwa na kuwekewa mawe ya maingi na mingine ilionwa.

Kiongozi wa Mbio za Mwenge Kitaifa mwaka 2022 Sahil Geraruma akizungumza na wananchi wilayani Muheza

wa Muheza Mhe Hamisi Mwinjuma maarufu MwanaFA akiwapungia wananchi mkono

Mbunge wa Muheza Mhe Hamisi Mwinjuma maarufu MwanaFA akiwa ameushika mwenge wa Uhuru baada ya kuanza mbio katika wilaya hiyo

Mkuu wa wilaya ya Mkinga Col.Maulid Surumbu akimkabidhi mwenge wa Uhuru mkuu wa mkoa wa Muheza Halima Bulembo ili aukimbize katika wilaya hiyo.