WAZIRI ULEGA ASEMA RASILIMALI NYINGI ZA MAJI ZIKO TANZANIA, ATAJA MIKAKATI UCHUMI WA BLUU

Na Said Mwishehe, Michuzi TV

WAZIRI wa Mifugo na Uvuvi Abdallah Ulega amesema rasilimali nyingi za maji zipo nchini Tanzania ikiwa na takriban hekta milioni 62.0 zinazofunikwa na maji huku akieleza utayari wa Tanzania katika kujiimarisha katika Uchumi wa Bluu. 

Akizungumza leo Septemba 8, 2023 katika Mkutano wa Jukwaa la Mfumo wa Chalula Afrika wakati wa majadiliano yaliyohusu Uchumi wa Bluu , Waziri Ulega amefafanua rasilimali hizo za maji zinajumuisha vyanzo vya maji safi na baharini ambapo kwa upande wa maji safi, nchi inamiliki maziwa makuu matatu ambayo ni Ziwa Victoria, Tanganyika na Nyasa.

"Pamoja na idadi kubwa ya maziwa ya kati na madogo, mito, mabwawa na ardhioevu.Maji ya baharini, kuna ukanda mrefu wa Pwani wenye urefu wa takriban kilomita 1,424, maji ya eneo la kilomita za mraba 64,000 na Ukanda wa Kiuchumi wa Kipekee (EEZ) unaofikia kilomita za mraba 223,000.

"Kuwepo kwa uwezo huu wa rasilimali za maji kunaifanya nchi kuwa sehemu kubwa ya nguvu za kikanda za uvuvi, "amesema na kueleza sekta ya Uvuvi inatoa ajira kubwa, mapato na riziki.

Hivyo kwa ujumla, sekta hiyo inaajiri zaidi ya watu milioni 4.5 katika shughuli mbalimbali ndani ya mnyororo wa thamani. 

Kuhusu uzalishaji wa samaki amesema kwa sasa ni tani 517,897 za samaki na mazao ya uvuvi na kati ya hizo tani 484,072.54 zimetokana na uvuvi na tani 33,525.46 za ufugaji wa samaki.

Amesema kwamba malengo  ya nchi ni kuzalisha tani 700,000 ifikapo 2025 na kwa upande waa lishe  samaki huchangia asilimia 30 ya ulaji wa protini ya wanyama na ulaji wa sasa wa kila mtu ni kilo 8.5 kwa mwaka.

Akizungumzia juhudi za kitaifa katika kuendeleza uvuvi na uchumi wa bluu amesema mkutano wa kilele wa mifumo ya chakula wa AGRF unakuja kama fursa isiyo na kifani kwa Afrika na kwa sekta ya uvuvi ya nchi yetu.

Amesisitiza ni  wakati muafaka wa kufichua uchumi wa bluu na kueleza utayari wa Tanzania wa kulisha idadi ya watu inayokua ya sasa na ya baadaye kwa kutumia rasilimali zilizopo kupitia ubia kati ya Tanzania na dunia nzima.

" Dhana ya Uchumi wa Bluu imekubaliwa kwa dhati Tanzania Bara na imeashiria kuzingatia uimarishaji wa mifumo ya kitaasisi kwa kuingiza Uchumi wa Bluu katika mipango na vitendo vya maendeleo."

Waziri Ulega amesema jukwaa la mkutano huo ni fursa maalum ya kuelezea mafanikio yao, msukumo, mipango ya baadaye na vipaumbele vinavyoakisi juhudi za Serikali katika kuendeleza Uvuvi na Uchumi wa Bluu kwa mifumo endelevu ya chakula. 

Amesisitiza juhudi hizo zimekuwa jumuishi kwa asili na ushiriki kamili wa wanawake na vijana ikiwa pamoja na uendelezaji wa miundombinu ikiwa ni pamoja na ujenzi wa bandari za kisasa za uvuvi,kukuza uwekezaji katika ukanda wa kiuchumi pekee (EEZ) kupitia ununuzi wa meli za kitaifa za uvuvi;

Pia kufufua Shirika la Uvuvi Tanzania (TAFICO) kwa kuzingatia kuongeza uzalishaji na mauzo ya nje ya samaki na mazao ya uvuvi, uwezeshaji wa wavuvi wadogo kwa njia ya mikopo yenye masharti nafuu ya meli za kisasa za uvuvi (160 zenye vifaa vyote muhimu).

Mengine ni ukuzaji wa ufugaji wa samaki ikiwa ni pamoja na unenepeshaji wa kaa wa tope, mazizi ya samaki (615), kilimo cha matango bahari na uzalishaji wa mwani pamoja na kuongeza thamani; na

"Kwa kutekeleza mradi wa kina wa BBT LIFE, kundi la 1 la watu 200 wamehitimu kutoka awamu ya kwanza na wataanza biashara inayohusiana na uvuvi (ufugaji wa samaki, ufugaji wa mwani, unenepeshaji wa kaa na tango baharini) hivi karibuni. 

"Kundi la pili la watahiniwa 300 litaanza Oktoba 2023 na  programu hiyo inajumuisha vijana kutoka Tanzania Bara na Zanzibar. Wizara imetenga Sh. bilioni 10.9 (takriban Dola za Kimarekani milioni 4) kwa ajili ya kuwezesha mpango wa BBT wa uvuvi kwa mwaka 2023/24."

 Akihitimisha hotuba yake amesema kuna methali ya kiafrika isemayo, Ukitaka kwenda haraka nenda peke yako, ukitaka kufika mbali nenda pamoja.

Amefafanua  Tanzania inataka kufika mbali na kwenda pamoja.Hivyo ametoa mwito wa kuwepo kwa ushirikiano thabiti wa uwekezaji katika maeneo ya uvuvi wa bahari kuu, bandari za uvuvi, meli za uvuvi na ufugaji wa samaki.

"Nchi yetu kwa mara nyingine tena inajisikia bahati kuwa mwenyeji wa Mkutano wa Kilele wa Mifumo ya Chakula barani Afrika na kupongeza kufikisha neno kwamba Tanzania iko tayari kulisha dunia kupitia sekta ya uvuvi."