NAIBU WAZIRI, KATIBU MKUU NA NAIBU KATIBU MKUU UCHUKUZI WATEMBELEA BANDA LA MSCL MAONESHO YA MAADHIMISHO YA MIAKA 60 YA MAPINDUZI YA ZANZIBAR

Naibu Waziri wa Uchukuzi David Kihenzile, Katibu Mkuu Wizara ya Uchukuzi Prof. Godius Kahyarara pamoja Naibu Katibu Mkuu wa Wizara ya Uchukuzi Dkt. Ali Possi wametembea banda la Kampuni ya Huduma za Meli (MSCL) lilipo katika Maonesho ya Biashara ya Kimataifa Zanzibar.

Naibu waziri Kihezile mara baada ya kutembelea Banda hilo alisisitiza kuendelea kuitangaza meli ya mizigo ya MV. Umoja inayofanya safari zake kati ya Mwanza, Tanzania na Portbell na Jinja, Uganda pamoja na Kisumu nchini Kenya.

Pia naye Katibu Mkuu Wizara ya Uchukuzi Prof. Godius Kahyarara ameipongeza Kampuni ya Huduma za Meli (MSCL) kwa kushiriki katika Maonesho hayo kwani ni fursa nzuri ya kuwasiliana, kujifunza na kubadilishana taarifa na maarifa na wadau wa sekta ya usafirishaji.

Naibu Waziri wa Uchukuzi David Kihenzile akizungumza na Afisa Masoko kutoka Kampuni ya Huduma za Meli (MSCL) Victoria John Mwakalasya alipotembelea Banda la MSCL kwenye Maonesho ya Maadhimisho ya miaka 60 ya Mapinduzi ya Zanzibar yanayofanyika katika viwanja vya Fumba, Zanzibar.

Naibu Waziri wa Uchukuzi David Kihenzile akisikiliza maelezo kutoka kwa Afisa Masoko kutoka Kampuni ya Huduma za Meli (MSCL) Victoria John Mwakalasya kuhusu kazi zinazofanywa na Kampuni hiyo alipotembelea banda la MSCL kwenye Maonesho ya Maadhimisho ya miaka 60 ya Mapinduzi ya Zanzibar yanayofanyika katika viwanja vya Fumba, Zanzibar.

Katibu Mkuu Wizara ya Uchukuzi Prof. Godius Kahyarara (wa kwanza kulia) akizungumza na watumishi wa Kampuni ya Huduma za Meli (MSCL) walipotembelea banda hilo na Naibu Katibu Mkuu wa Wizara ya Uchukuzi Dkt. Ali Possi kwenye Maonesho ya Maadhimisho ya miaka 60 ya Mapinduzi ya Zanzibar yanayofanyika katika viwanja vya Fumba, Zanzibar. Wa kwanza kushoto ni Afisa Uhusiano kutoka Kampuni ya Huduma za Meli (MSCL) Abdulrahman Salim Ally na wa pili kushoto ni Afisa Masoko kutoka Kampuni ya Huduma za Meli (MSCL) Victoria John Mwakalasya

Katibu Mkuu Wizara ya Uchukuzi Prof. Godius Kahyarara akisaini kitabu kwenye banda la Kampuni ya Huduma za Meli (MSCL) alipotembelea banda hilo akiambatana na Naibu Katibu Mkuu wa Wizara ya Uchukuzi Dkt. Ali Possi kwenye Maonesho ya Maadhimisho ya miaka 60 ya Mapinduzi ya Zanzibar yanayofanyika katika viwanja vya Fumba, Zanzibar.