RC SENDIGA AMALIZA MGOGORO BAINA YA HIFADHI YA TARANGIRE NA WANANCHI WA KIMOTOROK

Na Pamela Mollel,Simanjiro .

Mkuu wa Mkoa wa Manyara Queen Sendiga amewataka wananchi kutii sheria bila shuruti huku akitoa wito kwa wahifadhi kuendelea kutoa elimu kwa jamii inayozunguka maeneo ya hifadhi ili na wao waweze kujua uhifadhi na kuepuka migogoro baina ya hifadhi na wananchi 

Alitoa rai hiyo januari 16,2024 katika kijiji cha Kimotorok wilaya ya Simanjiro mkoani Manyara wakati akizungumza na Viongozipamoja na wananchi wa eneo hilo,akitatua mgogoro uliodumu kwa muda mrefu baina ya hifadhi ya Tarangire na wananchi wa kijiji cha Kimotorok 

Alisema kuwa wananchi wanapaswa kutii sheria zilizopo kwa kuwa eneo hilo ni la hifadhi ya Tarangire na tayari lina mipaka yake ya kudumu hivyo eneo hilo haliruhusiwi kufanya shughuli zozote isipokuwa za uhifadhi 

Kwa upande wake Kamishna Msaidizi Mwandamizi,Beatrice Kessy anasema wao kama hifadhi wataendelea kutoa elimu kwa wananchi kuhusu uhifadhi pamoja na kuendeleza shughuli za ujirani mwema 

 "Kumalizika kwa mgogoro huu unafungua fursa za utalii ukanda wa kusini mwa Tarangire ambapo wananchi waliopo katika kijiji hicho watanufaika na utalii huo.