Na Jane Edward, Arusha 


Naibu Waziri wa Fedha Hamad Chande amewataka wahitimu kuwa waaminifu sehemu za kazi kwani hiyo ni moja ya nguzo ya kupata maendeleo yanayotakiwa kwenye jamii.

Akizungumza na wahitimu wa chuo cha Uhasibu Arusha katika mahafali ya 26 ya chuo hicho amesema amefurahishwa na wahitimu hao kwani wengi wao ni watumishi katika serikali ya Rais Samia Suluhu Hassan. 

 Chande amesema kuwa  anaupongeza Uongozi wa IAA kwa kuanzisha ushirikiano na Shule ya Polisi Moshi kutoa kozi za masuala mbalimbali yakiwemo Usalama na amani pamoja na Ulinzi wa taarifa, na kusisitiza kuwa  kozi hizo zinatolewa  kimkakati ili kuleta mapinduzi makubwa katika sekta ya ulinzi na usalama.

 Prof. Eliamani Sedoyeka ni Mkuu wa Chuo Cha Uhasibu Arusha (IAA), amesema pamoja na kujitanua ndani ya nchi, dhamira ya IAA pia ni kujipambanua Kimataifa.

 Aidha amesema kuwa chuo  kimeshafanya ziara za kimkakati nchini mbalimbali ikiwemo Comoro, Sudan Kusini, China na Uingereza ili kufanya mazungumzo na baadhi ya Vyuo Vikuu vya Elimu ya juu kuona namna wanavyoweza kushirikiana katika utoaji wa mafunzo kwa  viwango vya kimataifa.

 " IAA itaendelea kuanzisha mitaala inayokidhi mahitaji ya Soko la Ajira Kitaifa na Kimataifa na kubabiliana na mabadiliko ya sayansi na teknolojia"alisema.


 

Michuzi Blog

Tanzanian blog operating since 2005, covering International news and Local News, including Politics, Fashion, Social Scenes, Interviews, Movies, Events, personalities and anything positive happening worldwide. Written in Swahili and English targeting both Swahili and English readers.

Toa Maoni Yako:

0 comments so far,add yours

Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...