NA EMMANUEL MBATILO, MICHUZI TV
MKURUGENZI Mtendaji wa Hospitali ya Taifa Muhimbili (MNH), Profesa Mohamed Janabi amewataka wataalamu wa tiba kuongeza uelewa wao kuhusu magonjwa adimu ili kuongeza uwezo wao wa kuwapima na kuwatibu wagonjwa kwa ufanisi zaidi.
Wito huo ameutoa leo Februari 28, 2025 Jijini Dar es Salaam, wakati wa maadhimisho ya Siku ya Magonjwa Adimu yaliyofanyika katika Hospitali ya Taifa Muhimbili (MNH),
Amesema kuna umuhimu kwa madaktari kutumia akili bandia (AI) katika kutafiti na kudhibiti magonjwa adimu, akisisitiza umuhimu wa kutumia teknolojia kuongeza maarifa ya matibabu na chaguzi za matibabu.
"Kuimarisha uwezo wa waganga kutawawezesha kuelewa masuala mbalimbali ya magonjwa adimu, hivyo kuboresha uchunguzi na matibabu," alisema. Prof Janabi
Aidha amesisitiza haja ya kuendelea kuchapishwa kwa utafiti na nyenzo za elimu kuhusu magonjwa adimu, akisema mipango kama hiyo itatoa maarifa muhimu kwa umma na wataalamu wa afya.
"Uchapishaji unaoendelea wa habari za kina juu ya magonjwa adimu utasaidia kuongeza uelewa na kuhakikisha kuwa watu walioathiriwa wanapata uangalizi unaohitajika," aliongeza.
Amesema kuna umuhimu kwa madaktari kutumia akili bandia (AI) katika kutafiti na kudhibiti magonjwa adimu, akisisitiza umuhimu wa kutumia teknolojia kuongeza maarifa ya matibabu na chaguzi za matibabu.
Kwa upande wake, Daktari wa Watoto na Endocrinologist Dkt. Kandi Muze kutoka MNH wananchi kusaidia watu walioathirika na magonjwa adimu.
Amesema changamoto kubwa zinazowakabili wagonjwa na familia zao kutokana na uelewa mdogo na rasilimali chache za matibabu.
"Msaada wa pamoja wa jamii ni muhimu katika kujenga mazingira ambapo wale walio na magonjwa adimu wanahisi kueleweka, kutunzwa, na kuwezeshwa," alibainisha.
Mmoja wa waliohudhuria, Bw Khamis Kaundu, ambaye binti yake Yusra anaishi na ugonjwa wa Gaucher tangu mwaka 2016, amewashukuru madaktari wa Muhimbili kwa jitihada zao za kumtibu.
Inakadiriwa kuwa zaidi ya watu milioni 300 duniani kote takriban asilimia 6 hadi 8 ya watu duniani wanakabiliwa na hali hizi.
Hivi sasa, asilimia 95 ya magonjwa adimu hayana matibabu yaliyoidhinishwa. Kuna zaidi ya magonjwa 6,000 yanayojulikana adimu, na zaidi ya asilimia 80 yana asili ya maumbile.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...