ABSA YAJIUNGA NA HARAKATI ZA KIMATAIFA KUPITIA MPANGO WA BLUE OCEAN UFUKWENI KAWE

 

Dar es Salaam, Tanzania –Mei 2025. Absa Bank Tanzania imezindua rasmi mpango wake wa mazingira wa Blue Ocean Initiative, ukiwa umehamasishwa na jitihada za kimataifa kama vile Blue Climate Initiative (BCI) inayotambuliwa rasmi na Umoja wa Mataifa kupitia Muongo wa Sayansi ya Bahari kwa Maendeleo Endelevu.

 

Uzinduzi huu umeanza kwa zoezi kubwa la usafi wa Ufukwe wa Kawe, likihusisha wafanyakazi wa Benki 100 wa kujitolea na Halmashauri ya Manispaa ya Kinondoni, ambao walikusanya taka na plastiki kwa kipindi cha saa 4 - na hivyo kutoa jumla ya saa 400 za kujitolea za wafanyakazi wa Benki ya Absa kwa ajili ya afya ya bahari na ustahimilivu wa hali ya hewa.

 

Akizungumza katika tukio hilo, Oscar Mwamfwagasi, Afisa Mkuu wa Uendeshaji alisema: “Kama Blue Climate Initiative, tunaamini bahari si mwathirika tu wa mabadiliko ya tabianchi - bali pia ni sehemu muhimu ya suluhisho. Kupitia Blue Ocean Initiative, tunachukua nafasi yetu ndani ya harakati hizi za kimataifa, tukianza hapa nyumbani.”

 

Mpango huu unaakisi dhamira ya Absa kupitia madhumuni yake ya msingi:“Kuiwezesha Afrika ya Kesho, Pamoja… Stori moja baada ya nyingine.”

 

Aron Luhanga, Mkuu wa Masoko na Mahusiano ya Kijamii, aliongeza: “Taka za plastiki husababisha vifo vya zaidi ya wanyama wa baharini milioni 100 kila mwaka. Ni wakati wa mashirika kuchukua hatua madhubuti. Kupitia mpango huu, tunadhihirisha maana ya ahadi yetu - Stori yako ina thamani - na kuwa kichocheo cha mazuri katika jamii.”

 

Absa inalenga kupanua mpango huu katika fukwe nyingine za Tanzania huku ikiendelea kujenga ushirikiano wa kijamii kwa ajili ya uhifadhi endelevu wa bahari.