UTAPENDA USHIRIKIANO WA MWANAMUZIKI DIAMOND PLATNUMZ NA PEPSI…WATANGAZA TENA KUENDELEA NA UHUSIANO KIBIASHARA

Na Said Mwishehe,Michuzi TV

PEPSI Tanzania, inayozalishwa na kusambazwa na SBC Tanzania Ltd, kampuni ambayo imekuwa ikiburudusha na kukata kiu ya Watanzania kwa zaidi ya miaka 24,imetangaza kuendeleza ushirikiano wake wa kibiashara na Diamond Platnumz, Supa-Staa wa muziki Tanzania na Nyota wa kimataifa.

Ushirikiano huo kati ya SBC na mwanamuziki maarufu katika muziki wa Bongo Fleva ulioanza mwaka 2018 na umekuwa ni tukio la kitamaduni, ambalo limeweza kuchanganya tasnia ya muziki, hamasa za vijana, na ubunifu ili kuimarisha biashara na kuipa mafanikio makubwa bidhaa ya Pepsi katika soko la vinywaji baridi chini Tanzania.

Akizungumza kwenye mkutano wa Waandishi wa Habari jijini Dar es Salaam leo Mei 21 mwaka 2025, Meneja Masoko wa SBC Tanzania Jasper Maston amesema mafanikio ya ushirikiano huo yanatokana na mchango wake katika mafanikio ya kibiashara ya SBC Tanzania:

Amefafanua kuwa kwa miaka 24, SBC Tanzania Ltd imekuwa mstari wa mbele katika sekta ya zalishaji na usambazaji wa vinywaji baridi chini Tanzania, ikileta bidhaa bora, ubunifu, na nyakati za furaha kwa mamilioni.

Amesema ushirikiano wao na Diamond Platnumz ni uthibitisho wa dhamira yao ya kuhamasisha vizazi. Pamoja na Pepsi, wameungana kuwasiliana na vijana wa Tanzania kupitia bunifu, utamaduni, na kampeni zisizosahaulika.

Ameongeza Ushirikiano huo sio tu kuhusu biashara—ni harakati inayosherehekea fahari na ndoto za Watanzania.

“Kampeni za Chapa ya Pepsi kama 'Mkubwa Wao, 'Kitu Roho Inapenda', 'Mwamba Wao' na hii inayoendelea sasa ya "Pepsi Thirsty for More", pamoja na matamasha ya muziki ya Wasafi Festival kote chini, yameimarisha ushawishi wa Soda ya Pepsi katika soko.

Ubunifu wa Diamond umeongeza sauti kwenye jumbe wa Pepsi kama ishara ya nguvu za vijana, na fahari ya kitaifa, ambayo pia imesababisha Pepsi kuwa kin/waji baridi kinachotawala soko la vinywaji baridi nchini Tanzania.

"Diamond Platnumz anawakilisha ujasiri na uhalisia ambao Pepsi inasimamia,. "Uhusiano wake na watu, pamoja na bunifu wake usioyumba, unalingana na dhamira ya SBC Tanzania ya kuwa na umuhimu na matarajio.

Pamoja, tunabadilisha nyakati kuwa harakati-na tuna mapya mengi yanakuja
Ushirikiano huu unaoimarishwa leo unaahidi kampeni zisizo na kifani, juhudi za kijamii, na surprises zitakazofanya "Tanzania iendelee kufurahi."

"Kwa mashabiki wetu: Upendo wenu unatuhamasisha. Kwa washirika wetu: Imani yenu inatupa nguvu. Na kwa Diamond,amesema na kutumia nafasi hiyo kueleza PEPSI Tanzania imekuwa ikiweka mikakati ya kuhakikisha inakuwepo kila mahali .

“Na kwa upande wa wasanii wameeleza wamekuwa wakitoa ushirikiano nyakati zote na kwa wanamuziki wa aina zote,”amesema.

Kwa upande wake Mwanamuziki Diaomnd Platnuz ametumia nafasi hiyo kuelezea namna ambavyo amejipanga katika kufanya Kazi na PEPSI Tanzania huku akitumia nafasi hiyo kuendelea kuwashawishi Watanzania kunywa kinywaji hicho.