Taasisi ya Saratani Ocean Road yatoa Elimu na Uchunguzi wa Saratani Maadhimisho ya Wiki ya Afya Kitaifa, Kibiti

 

Taasisi ya Saratani Ocean Road imeendelea kutoa elimu na huduma za uchunguzi wa saratani mbali mbali katika Maadhimisho ya Wiki ya Afya Kitaifa 2026.

Kilele cha maadhimisho hayo yamefanyika katika viwanja vya Shule ya Sekondari Zimbwini, Kibiti Mkoa wa Pwani, ambapo mgeni rasmi ni Waziri wa Afya, Mohamed Mchengerwa, ambayo ni maaluku kwa chanjo, Bima Afya kwa wote na usafi wa mazingira.

Akizungumza katika maadhimisho hayo, Meneja wa Huduma za Uchunguzi wa Saratani na Elimu kwa Umma, DK. Maguha Stephano, amesema taasisi hiyo inaunga mkono juhudi za serikali kuhakikisha  wananchi wanapata elimu kuhusu saratani.

Maguha amesema pia wanahakikisha wananchi wanapata chanjo zinazozuia maambukizi ya virus I vinavyosababisha saratani za mlango wa kizazi, saratani ya  ini na huduma za uchunguzi wa saratani mbali mbali, zikiwemo mlango wa kizazi, matiti na tezi Dume kwa wanaume.

Amesema Saratani ya tezi Dume inafanyika kwa njia ya kipimo cha damu na huduma hizo zinatolewa bila malipo na taasisi hiyo.

Aidha Maguha amewaomba wananchi wa Mkoa wa Pwani katika katika Wilaya ya Kibiti kutumia fursa hiyo  kupata huduma hizo bure.