Ujumbe wa Mabalozi na Naibu Mabalozi 11 wanaowakilisha Umoja wa Ulaya (EU) na nchi wanachama wake nchini Tanzania utafanya ziara ya siku tatu mkoani Tanga kuanzia tarehe 23 hadi 25 Novemba 2026. 

Ziara hiyo italenga kuangalia fursa zilizopo mkoani humo za kukuza uchumi kwa njia endelevu, pamoja na namna ushirikiano kati ya Umoja wa Ulaya na Tanzania unavyoweza kusaidia kufungua fursa mpya kwa wananchi na wafanyabiashara. Ushirikiano huo unajumuisha pia mpango wa Umoja wa Ulaya wa Global Gateway.

Katika ziara hiyo, Mabalozi watakutana na viongozi wa serikali, wananchi wanaonufaika na miradi mbalimbali, wajasiriamali na wawakilishi wa sekta binafsi. Mikutano hiyo itawapa nafasi ya kujionea shughuli na miradi inayoendelea, kusikiliza uzoefu wa wananchi na kuelewa vipaumbele vya maendeleo vya Mkoa wa Tanga.

Ujumbe huo unajumuisha wawakilishi kutoka Umoja wa Ulaya, Ubelgiji, Denmark, Finland, Ujerumani, Ireland, Italia, Uholanzi, Slovakia, Hispania na Sweden. 

Ziara hii ni sehemu ya utaratibu wa kila mwaka wa Mabalozi wa Umoja wa Ulaya na nchi wanachama wake kutembelea kwa pamoja mikoa mbalimbali ya Tanzania. Mwaka jana, Mabalozi hao walitembelea Mkoa wa Kilimanjaro.

Mabalozi Watakaoshiriki Katika Ziara:

Umoja wa Ulaya: Jean-Marc Pisani – Balozi wa Umoja wa Ulaya nchini Tanzania (Kiongozi wa Ujumbe)

Ubelgiji: Lot Debruyne – Balozi wa Ubelgiji nchini Tanzania

Denmark: Jesper Kammersgaard – Balozi wa Denmark nchini Tanzania

Finland: Anna Merrifield – Balozi wa Finland nchini Tanzania

Ujerumani: Maximilian Mueller – Naibu Balozi wa Ujerumani nchini Tanzania

Ireland: Nicola Brennan – Balozi wa Ireland nchini Tanzania

Italia: Giuseppe Coppola – Balozi wa Italia nchini Tanzania

Uholanzi: Marjo Crompvoets – Balozi wa Uholanzi nchini Tanzania

Slovakia: Lancaric Ivan – Balozi wa Slovakia nchini Tanzania

Hispania: Paloma Serra – Balozi wa Hispania nchini Tanzania

Sweden: Sandra Diesel – Naibu Balozi wa Sweden nchini Tanzania



Next
This is the most recent post.
Previous
Older Post

Michuzi Blog

Tanzanian blog operating since 2005, covering International news and Local News, including Politics, Fashion, Social Scenes, Interviews, Movies, Events, personalities and anything positive happening worldwide. Written in Swahili and English targeting both Swahili and English readers.

Toa Maoni Yako:

0 comments so far,add yours

Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...