DC wa Miseny anusurika kifo ajalini

Mkuu wa Wilaya ya Misenyi, Mkoani Kagara, Kanali Issa Njiku, ( wapili kutoka kushoto) aliyenusurika katika ajali iliyotokea Mei , 4, mwaka huu eneo la Chamale, Kijiji cha Magubike, Wilayani Kilosa, katika Barabara kuu ya Dodoma - Morogoro, wakanza kushoto ni Mkuu mpya wa Wilaya ya Ukerewe, Mkoani Mara, Queen Mlozi.

Na John Nditi, Morogoro

 

MKUU wa Wilaya ya Misenyi, Mkoani Kagera, Kanali, Issa Njiku, na watu wengine wawi akiwemo Dereva wake wamenusurika kifo baada gari lenye namba za usajili STK 2896 aina ya Toyota Land Cruser , kuacha njia na kupinduka eneo la Chamale, Kijiji cha Magubike, Wilayani Kilosa, kwenye Barabara kuu ya Dodoma- Morogoro.

 

Kanali Njiku alikuwa akitokea Mkoani Kagera katika Wilaya hiyo , kwenda Mkoani Morogoro kwa ajili ya kuhudhuria mafunzo ya awali ya siku nne kwa Wakuu wa Wilaya wapya waliteuliwa hivi karibuni na Rais Jakaya Kiwete.

 

Mkuu huyo wa Wilaya alisema, ajali hiyo ilitokea  juzi ( Mei 4) mwaka huu eneo ambalo, Aprili 24, mwaka huu ilitokea ajali mbaya ya Basi RS Investiment, ambalo lilikuwa likitokea Mkoani Kagara na kusababisha vifo vya watu  watatu,akiwemo Bunge wa zamani wa Jimbo la Biharamulo Magharibi, Phares Kabuye kupitia Chama cha TLP.

 

Eneo hilo mbali na kutokea kwa ajali hiyo, pia ajali nyingine mbili zaidi zilitokea ndani ya mbili ambapo Viongozi wa Chama cha Mapinduzi (CCM)  wa Mkoa wa Morogoro, Mwenyekiti wake Mhandisi Petro Kingu na Katibu wake Mary Chatanda na wengine wawili na Dereva wao walinusurika vifo.

 

Mbali na ajali hizo  mbili, Mashabiki kadhaa wa timu ya soka ya Simba wa Jijini Dar es Salaam, walipata ajali katika eneo hilo wakati wakirejea kutoka Dodoma kuishanagilia timu yao na kusababisha watu 12 kujeruhiwa huku wengine wanne kulazwa katika Hospitali ya Mkoa wa Morogoro.

 

Akizungumzia na Gazeti hili kujhusiana na ajali hiyo jana  mjini hapa, Kanali Njiku, alisema walipatwa na mkasa huyo majira ya saa 7: 30 mchana wa Mei 4, mwaka huu eneo la Magubike ambalo ziliwahi kutokea ajali tatu ndani ya wiki moja ya Mwisho wa mwezi wa nne , mwaka huu.

 

“ tumepata ajali mbaya sana , lakini tuna mshukuru mungu  wote watatu tuliokuwemo kwenye g ari tumenusurika na tumetoka salama baada ya kubilingika mara tatu…” alisema Kanali Njiku na kuongeza kuwa.

 

“ nilifunga mkanda na ulinibana …lakini naumenisaidia , nilipotoja  nje kujichunguza nikajiona nipo  salama  na neno langu kubwa  nikamshukuru mungu” alisema Mkuu huyo wa Wilaya ya Misenyi

 

Kwa mujibu wa Mkuu huyo wa Wilaya, kwamba siku hiyo mvua ilikuwa ikinyesha katika maeneo hayo na mara aliona gari yao inaanza kuyumba Barabarani na kutahamaki walishitukia wakupinduka mara tatu.

 

Hata hivyo alisema kipande cha lami iliyowekwa eneo hilo la Barabara kimeonekana ni cha  kiwango cha chini kuwa laini hali inayosababisha kutokea kwa ajali za mara kwa mara kufuatia utelezi nyakati za  mvua na pia  nyakazi za jua kali.

 

Kwa mujibu wa Mkuu huyo wa Wilaya, kwamba, Askari wa Usalama Barabarani wa Kituo Kidogo cha Polisi Dumila, Wilayani Kilosa, wamedai kuwa eneo hilo ni maarufu kwa kutokea kwa ajali za magari.

 

Alisema kuwa , kwa mujibu wa Askari hao,  zaidi ya magari matano hupata ajali kwa siku nyakati za  mvua na zaidi ya  mbili pia kwa siku.nyakati za jua kali hali mbayo inatishia maisha ya watu na mali zao.

 

Kamanda wa Polisi wa Mkoa wa Morogoro, Thobias Andengeye, amethibitisha kutokea kwa ajali hiyo katika eneo hilo na kwamba hakuna mtu aliyefariki Dunia.

 

Hivi karibuni baada ya kutokea kwa ajali ya Basi Dodo la Mashabiki wa Simba, Mwenyekiti wa timu hiyo, Hassan Dalali aliiomba Wizara ya Miundombunu kuifanyia ukaguzi  Barabara kuu ya  Dodoma - Morogoro inayopitia cha Magubike, Wilayani Kilosa ili kupunguza ajali za mara kwa mara.