Utajiri wa Asili

Mjasiliamali wa bidhaa za Asili Bibi Renalda Godwin (wa atu shoto) wa Quality Clothing akiwaonyesha kinamama bidhaa zake

Picha na habari na Pascal Mayalla wa PPR

Watanzania wametakiwa kutumia fursa nyingi za kutajirika na kupunguza umasikini, kwa kutumia fursa za matumizi sahihi ya utajiri wa asili uliomo Tanzania katika medani za kiuchumi na kisanaa.

 

Wito huo, umetolewa na Mtalaamu wa Sanaa, wa Shirika la Kimataifa la Elimu na Sayansi la Umija wa Mataifa, UNESCO, kwa nchi za Tanzania, Visiwa vya Comoro, Madagasca, Mauritius.na Visiwa vya Ushelisheli (Seychells), Bw. Tim Curtis, wakati wa Mafunzo kuhusu matumizi ya Nyuzinyuzi Asilia (Natural Fibers) kwa Wajasiliamali wa Tanzania Bara na Zanzibar katika Maadhimisho ya Mwaka wa Kimaifa wa Nyuzinyuzi Asilia yanayofikia kilele chake Jumamosi katika kijiji cha Thai, kilichopo Mtaa wa Chole jijini Dar es Salaam.

 

Bwana Curtis amesema Tanzania imejaliwa kuwa na nyuzinyuzi za uoto wa asili wa aina nyuingi ambazo zikitumiwa ipasavyo kutengeneza bidhaa mbalimbali haswa za mapambo, zina thamani sana katika soko la kimaifa na zinaweza kutumika kuleta utajiri mkubwa sana kwa Taifa.

Bwana Curtis ametolea mfano bidhaa mbalimbali za mapambo kama maua ya asili ya kukaishwa, yana bei mara 5 ya maua ya kawaida katika soko la kimataifa ambalo mahitaji bado ni makubwa kuliko upatikanaji wake.

 

 Bwana Curtis Anaeleza zaidi ....(cue in kwa TV na Redio) lugha ya Kiingereza..

 

Bwana Curtis amesema anashangazwa na umasikini wa Tanzania, huku Tanzania ikiwa imejaliwa utajiri mkubwa wa maliasili zake na kutolea mfano hata majani tuu ambayo ni nyasi tuu zilizokauka, zimezagaa kwenye misitu na kandoni mwa barabara, huku nyasi hizi zikikusanywa na kugeuzwa mapamba, ziliingizia taifa fedha nyingi za kigeni.

 

Kwa upande wao baadhi ya washiriki wakiongozwa na Bibi Renalda Godwin wa Quality Cloth amesema, tatizo kubwa la Umasikini wa Wajasiliamali wa Tanzania ni ukosefu wa elimu ya ujasiliamali na utafutaji wa masoko ya kimataifa.

  

Bibi Renalda Godwin anaeleza zaidi (cue in TV na Redio)...

 

Bibi Renalda, ameishukuru UNESCO kwa mafunzo hayo ya kuwajengea uwezo wajasiliamali wa Kitanzania kuhusu utajiri mkubwa wa bidhaa za asili uliopo nchini

na kuwapa mbinu za kuzifikisha kwenye masoko ya kimataifa.

 

Kwa upande wa washiriki kutoka Zanzibar, wao wamesema visiwa hivyo havipaswi kuwa masikini hata kidogo kwa kuzingatia utajiri mkubwa wa kambakamba za asili walizonazo na kutolea mfano, makumbi ya nazi ambayo kwao ni takataka ama kuni za kukolezea moto, kumbe nazo pia ni mali asili za ajabu zenye utajiri mkubwa zikitumiwa kiuchumi.

 

Maadhimisho hayo, yatahitimishwa kwa maonyesho ya bidhaa hizo za kambakamba za asili, yayakayofanyika kesho Jumamosi katika Kijiji hicho cha Thai kilichopo karibu na kituo cha Mabasi ya Dala Dala cha Shule ya Kimaifa ya Tanganyika (IST), Masaki jijini Dar

Khadija Mohamed kutoka Mwembe Tanga Zenj, Mratibu wa Mafunzo Nazeer Tajudeen (kati)  na Mkufunzi Renu Rhao

Khadija Mohamed na Khadija Fadhili wakionesha utajiri wa Zenj

Khadija Fadhili, Ali Mohamed na Mkufunzi Reni Rhao kwenye maonesho hayo yaliyofana sana