tanzania katika maonesho ya utalii new york

Washiriki katika maonesho hayo kutoka Tanzania wakiwa katika Picha ya Pamoja.

Essau Pwela ambaye makazi yake ni Marekani, naye hakuwa nyuma katika kutoa burudani ya muziki wa asili mwenye Meza ya Tanzania, ilikuwa ni burudani tosha kwa wageni . Muziki huo ambao ameupa jina la Africa Banjo, anasema Banjo ambayo asili neno la Kibantu ni muziki uliokuwa unapigwa katika vijijini mbalimbali mkoani Mbeya. Pamoja na kutumbuiza katika maonesho mbalimbali ya kazi za sanaa za muziki pia anajaribu kuuendeleza muziki huo kwa kuufundisha.Mmoja wa wahudumu wa Kampuni ya BONGO- Tours and Safaris akitoa maelezo kwa wateja. Aliyekaa chini akifuatilia ni Bi Fortunata Temu ambaye ni Meneja Mkuu wa Kampuni hiyo.Bw. John Malongo kutoka Zanzibar akitoka maelezo na kujibu maswali kutoka kwa watalii watarajiwa ambao walitaka kufahamu vivutio vya utalii vilivyoko visiwani humo, ikiwa ni pamoja na kufahamu kama kuna Hoteli zenye hadhi ya Nyota Tano na Nne.

UBUNIFU ZAIDI UNAHITAJIKA

UWAVUTIA WATALII WA KIMAREKANI

Na Ripota wetu, New York

Kila mwaka katika jiji la New York hufanyika onesho la utalii la kimataifa maarufu kama ‘ The New York Times Travel Show”. Kwa mwaka huu onesho hilo ambalo ni la saba lilifanyika mwishoni mwa wezi wa February na kushirisha Mawakala wa Makampuni ya Utalii na Usafirishaji zaidi ya 500 kutoka nchi 150.

Nchi hizo zinawakilisa mabara ya Afrika, Asia, Australia, Pasifiki ya Kusinim Kanada, Visiwa vya Karibian, Ulaya, Mexico, America ya Kati na Marekani na yalifanyika katika Ukumbi maarufu wa mikutano na Maonesho wa Jacob K. Javits.

Baadhi ya mawakala walioshiriki onesho hiyo kutoka Afrika, walikuw ani kutoka mashirika ya Umma kwa maana ya Tanzania Tourist Board na TANAPA kwa upande wa sekta binafsi walikuwa kampuni ya BONGO Tours and Safari ambayo Meneja wake Mkuu ni Bi Fortunata Temu. Halikadhalika kulikuwa na wakala kutoka Zanzibar Bw. John Malongo.

Wakitoa maeoni yao kuhusu onyesho hilo na ushiriki wa Tanzania, mawakala ho kutoka Tanzania waliezea kuridhishwa kwao na kwa jinsi walivyotembelewa na wateja wengi walionyesha hamu ya Tanzania Bara na Visiwani kujionea na kufaidi utajili wa mali asili na pwani za kuvutia ambazo Tanzania imejaliwa.

Mmoja wa washiriki wa onesho hilo ambaye ni wakala wa kujitegemea katika masula ya Utalii, kutoka Zanzibar Bw. John Malongo , amemweleza mwandishi wa taarifa hizi kwamba, tofauti na mwaka jana, mwaka huu wateja wengi wametembelea meza ya Tanzania na wameonyesha hamu kubwa ya kuja nchini mwakani.

“ Hii ni mara yangu ya pili kushiriki maonesho haya, ninachoweza kusema, mwamko wa mwaka huu ni mkubwa sana, watu ni wengi na wakiingia tu wanauliza Meza ya Tanzania iko wapi na wamefika kupata taarifa na wameonyesha nia kubwa ya kuja kutembelea vivutio vyetu vya utalii hasa kuanzia mwaka ujao, na hii ni faraja kubwa sana” akasema Bw, Malongo

Akasema kuwapo kwa uwingi wa watu waliojitokeza alijikuta yeye na wenzake wakipungukiwa vipeperushi na majarida yaliyokuwa na taarifa mbalimbali viliko vitutio vya utalii, aina ya huduma na namna ya kufika huko.

Akijibu swali ni taarifa za namna gani ambazo watalii watarajiwa walikuwa wakizitaka. Bw. Malongo anasema kwamba wateja wengi walikuwa wakitaka kujua taarifa kuhusu Serengeti, Ngorogoro, Mlima Kilimanjaro, kwa upande wa Zanzibar walikuwa wakiuliza majengo ya kihistoria na Beaches na walitaka kujua kama tuna Hoteli za Nyota Nne na Tano.

“ Kwa kweli kuna mwamko mkubwa kwa watalii wa Marekani kuja nchini mwetu, na cha kufurahisha zaidi hivi sasa ukiwaambia Mlima Kilimanjaro uko Tanzania hakuna anayebisha tofauti na miaka ya nyuma ambapo wengi walikuwa wakiamini kwamba milima uko nchni Kenya.”

Naye Bi Fortunata Temba, kutoka kampuni ya Utalii ya Bongo Tours and Safaris.yeye pamoja na kuunga mkono maoni ya Bw. Malongo kuhusu kujitokeza kwa wageni wengi katika meza ya Tanzania, yeye amesema bado Tanzania inayo nafasi kubwa ya kuwavutia watalii wa kimarekani ilimradi juhudi na ubunifu zaidi ufanyike.

“Ni kweli tumepata watu wengi walioitembelea meza yetu, lakini nimejifunza kitu kimoja, bado tunasafari ndefu ya kuvuna soko hili la Marekani ambalo linaushindani mkubwa sana. Angalia washiriki waliojaa hapa kutoka mataifa mbalimbali. Tutakuwa tunajidanganya kama hatujajitahidi kubuni mbinu zaidi za kuvutia watalii kuja Tanzani” anasema Bi Temu.

Na Kuongeza, tunahitaji kushiriki kwa wingi hasa sisi sekta binafsi, kama unavyoona hapa tupo wawili wa kutoka Tanzania ukiacha hawa wa mashirika ya umma na wengine wawili ambao ni wa hapa hapa Marekani.

Anaongeza kuwa kama kweli Tanzania inadhamira kubwa ya kunufaika na soko la Marekani, Tanzania inatakiwa kuwa na Banda lake ni si meza . “ hapa tulipo kwa kweli si Banda la Tanzania, tumekaa kama sehemu ya mawakala kutoka Afrika. Tulihitaji kubwa na Banda maalum kama lile la Afrika ya Kusini. Bado tuna safari ndefu”

Akasema eneo jingine ambalo mawakawala wa utalii wanatakiwa kujifunza ili kupanua wigo wa soko ni pamoja na aina ya vipeperushi na majarida ya utalii wanayoyaanda na vitu kama mavazi yanayomtambulisha kuwa yeye ni niwakala kutoka Tanzania.

“ Tunajitaji kuwa wabunifu zaidi , angalia hata mavazi yetu hayatutambulishi tunatoka wapi, wengine wamevaa suti, na aina nyingine ya mavazi ambayo si kielelezo cha utaifa wetu wala kile tunachokitangaza. Kama si haya mabango si rahisi kwa mgeni kubaini kwamba sisi tunatoka Tanzania. Tofauti na wenzetu wa Kenya au hata Afrika ya Kusini wanamavazi yao ambayo ukiona tu unajua hawa wanatoka wapi” anasema Bi Temba.

Eneo jingine ambalo anasema linahitaji kuendelezwa na kutiliwa mkazo ni utoaji wa huduma ( Hospitality). Anasema bado eneo hili halijaendelezwa vya kutoka, kwani namna unavyomkaribisha mgeni, unavyozungumza naye, unavyojibu maswali yake, unavyojichukua wewe mwenye ni sehemu muhimu sana katika sekta ya utalii.