kampeni ya kutokomeza malaria ya zinduka yaendelea

Matangazo ya kampeni ya Taifa ya kutolewa kwa vyandarua bure kwa kila mtoto mwenye umri wa chini ya miaka 5 kupiga vita malaria imeanza kwa kishindo wiki hii

Wataalam wa maabara kutoka, Hospitali ya Taifa ya Muhimbili, Dk Milulu Mwilangu, (katikati) na Dk Monica Appollo wakimpima Malaria msanii Profesa J ikiwa ni kampeni ya kuutokomeza ungonjwa huo hatari

Msanii Judith Wambura a.k.a Lady J.D akipima Malaria ikiwa ni kampeni ya Zinduka ya kutokomeza ogonjwa huo nchini Dar es Salaam jana. Anayempima ni Mtaalamu wa maabara kutoka Hospitali ya Taifa ya Muhimbili,Dk. Milulu Katikati ni Dk. Monica Apollo wa Muhimbili .Picha na Michael Machellah

Wasanii nyota ambao wamejitolea kuwa mabalozi wa kampeni ya kupambana na ugonjwa wa Malaria Prof Jay, Lady Jay Dee, Banana Zoro na Mwasiti leo wamepimwa damu kwa uwazi na madaktari kutoka hospitali ya Rufaa ya Muhimbili ili kujua kama wana ugonjwa wa malaria ikiwa ni sehemu ya kampeni ya Zinduka Malaria Haikubaliki – inayohamasisha watu kupima malaria hospitalini mapema pale wanapoona dalili.

Zoezi hili za upimaji damu wasanii kwa uwazi limefanyika katika hospitali ya matibabu ya Moyo Jijini Dar es Salaam, (Tanzania Heart Institute) na imeandaliwa kama baadhi ya matukio ya kuadhimisha Siku ya Malaria Dunia ambayo itaadhimishwa kwa hapa Tanzania Jumapili Aprili 25 kwenye viwanja vya Mnazi Mmmoja na mgeni rasmi akiwa Rais Jakaya Kikwete.

Kipimo cha Malaria kinachofahamika kama Rapid Diagnostic Tests (au RDTs) ni nyenzo muhimu katika kupambana na Malaria nchini Tanzania. Siku za nyuma madaktari walikuwa wanadhania kwamba kila homa ni malaria na kutoa matibabu ya malaria kwa watu wenye homa- na hasa wanawake wajawazito na watoto walio chini ya umri wa miaka mitano. Lakini kadri nyezo mbali mbali za kuzuia malaria zinavyoongezeka homa zinazosababishwa na malaria zinapungua maradufu.

Katika tafiti za hivi karibuni imebainika kwamba asilimi 25 au chini wa watoto chini ya umri wa miaka mitano wenye homa hasa katika maeneo ya vijijini wana malaria.

‘’Ni muhimu sana kuthibitisha kwamba homa ni malaria kabla ya kuanza matibabu kwa sababu dawa za malaria zina gharama na zinakuwa zimetumikabure kama mtu hana malaria na pia matumizi holela ya dawa yawaweza kusababisha dawa zikashindwa kutibu malaria. Yote haya yanaweza kuepukika iwapo mtu atapima malaria kwa kipimo cha haraka cha kutolewa damu kwenye kidole,’ alisema daktari kutoka Muhimbili Shadrack Sikiko ambaye alishiriki zoezi la kuwapima malaria wasanii.

Professor Jay alisema ‘’ mimi kama balozi wa kampeni hii za Zinduka Malaria haikubaliki leo nimejitolea kupima malaria. Ni muhimu kwa sisi mabalozi kuelewa umuhimu wa kutumia nyezo za kuzuia malaria ili tuweze kujikinga. Leo nimepima hapa hospitalini na nawaasa watanzania wote wapime ili wajilinde na malaria kila wanapoona dalili ya malaria.’’

Kwa upande wake Lady Jay Dee alisema zoezi la kupima malaria linafanyika kwa kasi kubwa. ‘’Mimi zamani nilikuwa nanunua tu dawa kila nilipokuwa na dalili ya homa na nawasihi watanzania wapime malaria vizuri badala ya kudhania kwamba wanamalaria ili dawa zisije zikawazoea na kushindwa kuwatibu,’’

Mwasiti yeye alisema yeye anaogopa sindano lakini akasema anashukuru kipimo cha RTD ambacho ni cha haraka na hakina maumivu.

‘’Nikionyesha dalili ya malaria nitaenda hospitali siogopi tena,’’ alisema Mwasiti.

Banana Zoro kwa upande wake jumapili hii ni siku ya Malaria Duniani, na dunia nzima itaungana kupambana na ugongwa huu, Lengo letu ni kufanya kila siku iwe siku ya kutambua madhara ya Malaria hapa Tanzania. Ikifanikiwa kama Rais Kikwete alivyosema tutakuwa kizazi cha mwisho kuuawa na malaria.

Kampeni ya Malaria Haikubaliki inaongozwa na serikali ya Tanzania ikiongozwa na Rais Jakaya Kikwete, na inaugwa mkono na wafadhili mbalimbali ikiwemo Malaria No More, Tanzania House of Talent (THT), Johns Hopkins University, Population Services International na United Against Malaria. Lengo la programu hii ni kuhakikisha watu wote wanatumia chandarua na kutokomeza malaria kwa kuwashawishi watanzania wote Kuzinduka na kukabiliana na malaria na kujilinda na ugongwa huu hatari.