ANGALIZO: MUONEKANO MPYA WA GLOBU YA JAMII

Waheshimiwa wadau wa Globu ya Jamii,
Kama mnavyoweza kuona, Globu yenu imekuja na kuonekano mpya ambao pamoja na mambo mengine imetatua tatizo la kiufundi lililokuwepo kwa muda kiasi la kupata post za nyuma. Vinginevyo globu ni ile ile na sasa una uwezo wa kupata kila kitu ambacho utakuwa umechelewa kukiona katika wakati muafaka. Libeneke oye!

Mabadiliko haya yamekuja sio tu kwa kusikiliza amri zenu wadau kwamba huwa wanakosa uhondo wa siku za nyuma, bali pia ni kwenda na wakati. Hivyo ukiangalia vyema utakuta pia kuna links za youtube, facebook na twitter kwa ajili ya kuongeza ufanisi.

Pia tumerahisisha uwanda wa kutoa maoni (yasiyochafua hali ya hewa hahaaaaa) ambapo sasa ukishabofya neno 'maoni' utapata sehemu ya kumwaga yaliyo moyoni bila shida. Hivyo wadau kazi kwenu. Angalizo hapa ni kwamba maoni yanayotiwa kapuni ni yale yenye lengo la kujeruhi hisia za mtu/watu na sio kwa makusudi ya kuminya maoni kwa maana ya kuminya. Kuna maoni yanakuja ambayo ni kweli hayachafui hali ya hewa lakini si uwongo kwamba lengo lake ni kujeruhi hisia za mtu/watu. Tunaomba wadau mliangalie hili kwa macho na masikio mawili. Vinginevyo kuwa huru kutoa maoni kwa uhuru kama inavyojieleza...ukizingatia sera ya Globu ya Jamii ya kizuri kwa bata mzinga, kibaya kwa kuku (what's good for the goose is bad for the hen) yaani si rahisi kumridhisha kila mdau kwa kila kitu. Hivyo nawasihi wadau na tuvumiliane kwenye shida na raha.

Aidha, maoni na mawazo ya namna ya kuiboresha zaidi Globu ya Jamii yanakaribishwa. Vile vile tunaomba tutoe shukrani sana kwa wadau kwa kuendelea kuwa na imani nasi katika kuendeleza libeneke. Vile vile tunaishukuru kampuni ya MKCT kwa kuendelea kutoa huduma bora kila siku.
Usisahau kubofya juu ya
tangazo kwenda kwenye mtandao husika!
-Michuzi