misaada kwa wazee wasiojiweza

Mama Mwapachu, mmoja wa viongozi wa TUSHIKAMANE PAMOJA FOUNDATION (TPF) akiongea na wazee wanaolelewa katika kituo cha Msimbazi jijini Dar hivi karibuni ambapo yeye na wenzake walipeleka misaada kwa wazee hao ili kupunguza makali ya maisha magumu waliyonayo

Baadhi ya wazee kwenye kituo cha Msimbazi
na misaada waliyoletewa

Misaada mbalimbali kwa wazee wetu

Mama Khalaf akikabidhi misaada kwa ajili ya wazee hao

Kila aina ya msaada unapokelewa

Baadhi ya viongozi wa TPF wakiwa kituo cha wazee Msimbazi

Sista wa kituo cha wazee cha Msimbazi akipokea misaada

Sista akishukuru wana TPF kwa misaada

Watanzania wenzetu,

Tujenge tabia ya kujitolea kusaidia sehemu ya jamii iliosahauliwa. Jamii iliokuwa pembezoni. Jamii isiojumuishwa kikamilifu katika mipango rasmi ya nchi.Tukijivunia maisha Bora, basi angalau sehemu hii ya jamii nao wapate kidogo ya ubora huu.

TUSHIKAMANE PAMOJA FOUNDATION ni NGO iso ya kiserikali, ni ya kujitolea. Azma kuu ya kikundi hiki ni kutafuta misaada mbali mbali kama vile:

1. nguo, viatu, shuka, vifaa vya jikoni viliotumika (sio viliochakaa) au vipya za wakubwa na watoto wakiume na wakike

2. vifaa vya kulimia bustani ndogo ndogo za mboga

3.magodoro na vyandarua

4.vifaa vya shule kama vitabu, madaftari na kalamu

Vitu vyote hivi ni kwa ajili ya kuwapa wazee wasio na uwezo na wengine wamejikuta wakilea wajukuu ambao wazazi wametangulia mbele ya haki.

Tumegundua wazee wengi wanaishi katika mazingira magumu na duni sana. wazee wengine wapo katika vituo na wengine wako majumbani bila msaada wowote.

Kwa maelezo zaidi tafadhali tuwasiliane kupitia info@tushikamane.com

au piga simu +255752 224688

"Haba na haba hujaza kibaba"

Mdau