breaking nyuuuzzzzzz: mwakalebela na mai waifu wake wapeta iringa, mahakama yatupilia mbali kesi yao leo

Frederick Mwakalebela akiwa na wadau
pamoja na na mai waifu wake baada ya kuachiwa huru leo

Wakili wa Mwakalebela Mh. Basil Mkwata (kulia) akiwa na mwanasheria wa TAKUKURU Mh. Ntime Mizizi katika mojawapo ya siku za kesi hio huko nyuma. Mwakalebela anaonekana nyuma yao.Na Ripota wa Globu ya Jamii, Iringa

Aliyekuwa mshindi katika kura za maoni ndani ya CCM katika jimbo la Iringa mjini kupitia CCM Frederick Mwakalebela na mkewe Celina leo wameachiwa na mahakama ya hakimu makzi Iringa katika kesi yao ya rushwa katika mchakato wa kura za maoni baada ya mahakama hiyo kuwaachia huru kuwa hawana kesi ya kujibu.

Leo mahakama hiyo ilikuwa ikitoa maamuzi madogo ya kuendelea ama kutoendelea katika kesi hiyo ambayo ilifunguliwa na taasisi ya kuzuia na kupambana na Rushwa (Takukuru ) mkoa wa Iringa.

Hii ni mara ya pili sasa Mwakalebela kuishinda Takukuru mahakakani wiki iliyopita Mahakama pia ilimwachia Mwakalebela kabla ya Takukuru kumfungulia tena kesi Mwakalebela.

Wadau wengi wamekuwa wakihoji sababu ya Takukuru Iringa kuendelea kumshikia bango Mwakalebela huku watuhumiwa wengine wakiachiwa bila kusumbuliwa kama yeye. Habari zaidi baadaye kidogo...