mwasisi wa klabu ya michezo ya tazara franco kabigi kuzikwa ijumaa

Mmoja wa waasisi wa klabu ya michezo na burudani ya Tazara, Franco Kabigi (pichani) amefariki dunia usiku wa kuamkia leo katika Hospitali ya Tumaini jijini Dar es salaam. 

Franco, atakumbukwa kwa mengi ikiwa ni pamoja na kuwa afisa mwandamizi katika Studio za Sunrise mtaa wa Jamhuri jijini Dar es salaam na pia meneja wa zamani wa kampuni ya burudani ya Space 1900.

Kwa mujibu wa taarifa za kifamilia, mipango ya mazishi inafanyika nyumbani kwake Mbagala Zakheem jirani na Kizuiani, na mazishi yanategemewa kufanyika siku ya Ijumaa katika makaburi ya Kinondoni.


Mola aiweke mahali pema peponi 
roho ya Marehemu Franco Kabigi.

- AMINA