miss tmk

Mke wa Waziri Mkuu wa Jamhuri wa Muungano wa Tanzania, Mama Regina Lowassa ndiye atakayekuwa mgeni rasmi katika Kinyangang'anyiro cha kumsaka malkia wa Temeke kitakachofanyika Julai 14, mwaka huu katika ukumbi wa PTA(Ndani ya viwanja vya Sabasaba).

Katika shindano hilo, ambalo Miss Temeke 2006 Jokate Mwegelo atakuwa akivua taji lake, BMP Promotions imekamilisha taratibu zote na uthibitisho kutoka kwa mama Lowassa wa kuhudhuria kama mgeni rasmi na hiyo ikiwa ni historia mpya kwa mashindano yetu ya kuwa na mgeni kama huyo.

Mrembo Jokate anayevua taji ametupa heshima kubwa manispaa ya temeke ya kutamka kwa kifua mbele kauli mbiu ya Mrembo mwenye malengo, hivyo BMP Promotions imeona ina kila sababu ya kuwepo kiongozi kama mzazi kushuhudia mrembo mwingine wa kauli mbiu hiyo akipatikana JUlai 14.

Wadhamini wakuu wa Miss Tanzania, Vodacom, Multichoice Tanzania, CXC Tours and Safaris, Redd's Premmium Cold, Fabak Fashion, Dollywood Fashion Photography, Screen Masters, Ako Catering, 88.4 Cloud's FM na mbunifu maarufu wa mavazi nchini Ally Rehmtullah hadi sasa ndiyo waliothibitha kudhamini mashindano ya Miss Temeke 2007.

Miss Temeke, mwaka huu itakuwa na aina za burudani ili tofauti ilikuwa picha isiyolingana na miaka ya nyuma jinsi tulivyokuwa tukifanya. Washiriki waliopo ni kutoka vitongoji vya vinne vya Kigamboni, Kurasini, Chang'ombe na Temeke South.

Wanaendelea kunolewa na wakufunzi Jokate Mwegelo, Devotha Chonya na katika shoo wakiwa na kiongozi wa safu ya wanenguaji wa Twanga Pepeta, Super Nyamwela katika klabu ya TCC Chang'ombe.

Warembo hao ni Baby Lema, Queen David, Caroline Msaki, Suraiya Mohamed, Linda Kaaya, Taji Simba, Monica John, Sophia Juma, Shani Cheni, Mercy Simba na Leotrocia.

imetolewa na: Benny Kisaka,

Mkurugenzi BMP Promotions (waandaaji wa miss tmk)