new africa

hii ni hoteli kongwe nchini ambayo siyo tu inapendeza kwa nje bali pia hata chakula, malazi na wahudumu ni bomba sana. nimejionea mwenyewe leo. ngoja niwasimulie...

mnamo saa saba hivi nilifika hapo nikiwa na mihadi ya kula dina la mchana na kocha wa timu ya taifa ya vijana bw. marcus tinocco ikiwa ni pamoja na kumuintavyuu. kwa bahati mbaya alichelewa kidogo hivyo nikabana lonji kumsubiri. alipofika nikainuka na kwenda ukumbi wa dina kujichana na kufanya naye intavyuu - unajua tena.

sasa bwana, kumbe pale lonji nilipoketi awali kamera yangu ya kiunoni ilinidondoka bila mimi kujua. niling'amua hilo nilipotaka kumpiga picha baada ya dina hevi la mchana na intavyuu. kwanza nikadhnai kamera niliiacha ofisini, nilipoenda kucheki na kukuta patupu nikarejea new africa na kuulizia wahudumu.

bila ajizi wakaniambia kamera ilokotwa na mteja mmoja ambaye aliikabidhi resepsheni. kuulizia na baada ya kuhojiwa hili na lile na kuthibitisha, nikakabidhiwa kamera yangu. yaani tayari nilikuwa nimeshaanza kupiga mahesabu ya kutembeza bakuli (huku nikitetemeka jinsi waosha vinywa watavyoninanga kama ndugu yangu nanihii...) maana kamera yenyewe ni ndogo lakini ya bei mbaya.

namshukuru mteja wa hoteli ya new africa kwa usamaria wake na pia wafanyakazi wote wa shifti ya mchana ambao walinipa faraja kubwa kwa kuweza kunihifadhia kitendea kazi changu kwa uaminifu.

NAWASHUKURU SANA WAFANYAKAZI WA NEW AFRICA KWA UPROFESHNO MLIONIONESHA SIO TU KWA KUWA KAMERA YANGU ILIPATIKANA BALI PIA KWA JINSI KILA MMOJA ALIVYOKUWA TAYARI KUNISAIDIA HATA KAMA ISINGEPATIKANA. ASANTENI SANA NEW AFRICA HOTEL KWA HILO NA KWA KUVUTIA WAGENI AMBAO HAWANA VIDOLE VYEPESI