mama wa kwanza mkutanoni korea kusini

mama kikwete akisalimiana mwenyekiti mwenza wa The Universal Peace Federation Co-chairman Dr. Hyun Jin Moon
mama kikwete akiwa na bishop abel muzorewa mkutanoni

mdau freddy maro wa ikulu anatupasha kwamba mama wa kwanza jana amewasili Seoul, Korea ya Kusini, kuhudhuria mkutano wa siku tatu wa amani duniani (World Summit on Peace 2008) kwa mwaliko wa Shirikisho la amani duniani (Universal Peace Federation -UPF).

Takriban wajumbe 200 toka nchi mbalimbali watashiriki kwenye mkutano huo, wakiwakilisha viongozi mbalimbali wa dunia, ikiwa ni pamoja na marais wastaafu, wabunge, viongozi wa dini na jamii chini ya kaulimbiu ya “Toward a New Paradigm of Leadership and Good governance for Peace in the 21 Century”.

wajumbe wataongelea namna nzuri za kufuata katika kuleta amani duniani kwa watu wa mataifa yote, rangi zote, dini zote ili kuwafanya watu waishi pamoja kwa amani. mada zingine zitazojadiliwa ni vyanzo vya migogoro, kutokuwepo usawa, umaskini na kuelekea katika mapatano, ushirikino na ustawi kama jamii moja ya binadamu.

baadhi ya watu mashuhuri wataokuwepo mkutanoni na ambao wameshawasili Seoul ni pamoja na waziri mkuu wa zamani wa zimbabwe bishop abel muzorewa, waziri mkuu wa zamani wa guyana hamilton green, na imamu mkuu sheikh assane cisse ambaye ni rais wa taasisi ya kiislamu ya waafrika-wamarekani ya senegal, pamoja na rais wa zamani wa sierra leone, alhaji ahmad tejan kabbah.