thamani ya globu kwa wenzetu

wadau, hadi sasa nadhani kuna baadhi yetu hasa tulio hapa nyumbani bado kumaizi kwamba kwa wenzetu huko ughaibuni njia hii ya kupashana habari kwa njia ya blog ina thamani karibu sawa na vyombo vingine vya habari kiasi kwamba wana-blog hupata nafasi sawa na wanahabari wengine katika kila kitu.

hivi ninavyoongea kuna huyu mdau david lane weighs (pichani), mwanaharakati mashuhuri wa kimarekani, ambapo mwakilishi wake yumo kwenye msafara wa rais bush katika safari yake ya kuja afrika ambapo blog yao inaripoti kupitia:http://www.one.org/blog/category/bush-africa-trip/?id=238-626880-x5jTv2&t=4

mdau david anatumia blog ya taasisi yake kufanya kampeni ya kuhakikisha kwamba rais yeyote ajaye wa marekani aje afrika katika kipindi cha kwanza cha utawala wake na sio mwishoni. katika kampeni hiyo anahamasiha wadau wake waweke majina yao kwenye orodha maalumu ambayo baadaye itatumika kama kielelezo cha 'sauti ya watu' juu ya jambo hilo la rais wa marekani kutakiwa kuzuru bara hili mwanzoni na sio nchani mwa utawala wake.

aidha, mie mwenyewe sikuwa naelewa umuhimu wa blog hadi nilipokuwa helsinki mwaka 2005 na kukutana na mdau mkuu ndesanjo macha jijini helsinki ambapo yeye alikuwa amealikwa kuhudhuria kikao kilichokuwepo akiwa kama mwana blog, na sio mwandishi wa kawaida wa vyombo tulivyozoea kama nilivyokuwa mimi. hapo ndipo nami nikaanza ku-blog baada ya kuuona umuhimu wa teknolojia hii. (ndesanjo macha utampata pia kwa kubofya hapa)

natoa changamoto na ushauri kwa wadau wengi wengine na tujiunge tuikuze fani hii ya blog hapa kwetu bongo. kwa ambao wamekwishaanza nawapa hongera na kuwataka waendeleze libeneke bila kuchoka. pia tusiwe wachoyo kusaidia wale wanaotaka kuanza na hata kuwaunga mkono ambao ndio kwanza wameanza.

sina uhakika itachukua muda gani kwa wakulu wetu hapa bongo kumaizi umuhimu wa njia hii ya kisasa na ya haraka na rahisi kupashana habari kuwa ina umuhimu kama vyombo vingine vya habari na kuitambua rasmi. lakini inshallah iko siku tutafikia huko. lakini taratibu ndio mwendo na safari ndefu huanza kwa hatua moja...