shoo ya mavazi ya elly mlaki

Mbunifu wa mavazi Angelo Elly Mlaki chini ya udhamini wa kampuni ya Compass Communications ambao pia ndio waratibu wa Miss Universe Tanzania anatarajia kuonesha mitindo ya mavazi katika show itakayofanyika jumatano hii ukumbi wa kituo cha utamaduni wa Ufaransa (Alliance Francaise Cultural Center)

Show hiyo itazinduliwa rasmi na mrembo wa Miss Universe Tanzania Flaviana Matata ambaye kwa mara ya kwanza tangu apate taji hilo atapanda jukwaani kuonyesha moja ya mavazi ya mbunifu huyo.

Kama ilivyo kwa Flaviana vilevile Elly Mlaki itakuwa ndio show yake ya kwanza kuifanya peke yake yani bila kushirikishwa na wabunifu wenzake kama ilivyozoeleka. Onesho lake lililopewa jina la ‘Muonekano wa Mwanamke au “Discovery of a Woman” litahusisha mavazi yaliyotengenezwa na khanga na vitenge vilivyoshonwa katika mishono ya kisasa.

Huu ni utaratibu wa kituo hiki cha Ufaransa kuandaa matamasha mbalimbali kila mwezi katika ukumbi huu ikiwa pia ni njia mojawapo ya kukitangaza kituo hiki pamoja na ukumbi wao maarufu unaojulikana kama ‘Barazani’.

Mbali na fashion show ya Elly Mlaki pia kutakuwa na burudani mbalimbali ambazo zimeandaliwa na kituo hiki ikiwamo Walewale band ya hapahapa Dar es salaam, sarakasi, mashairi kutoka kundi la Parapanda, nyimbo za kifaransa na burudani nyingine nyingi.


Kwa maelezo zaidi kuhusu onyesho la mavazi la Neith Fashion unaweza kuwasiliana zaidi na wadhamini wa onyesho hili:

kampuni ya Compass Communications,

kwa namba zifuatazo: (022) 2182596

au 0748 305122.