ujumbe toka fotobaraza

Haya, juma hili aliyetinga kwenye jedwali la Foto la Wiki si mwingine bali mdau Elizabeth Munthali. Hadi tunakwenda hewani picha hii ilikuwa imeshatizamwa mara 67. Tunakupongeza dada Liz kwa picha yako kuwa picha ya wiki, mwili haujengwi kwa matofali, kanyaga twende.

Ndugu mdau,

Napenda kuchukua nafasi hii kukufahamisha kuwa picha zitakazokuwa zinakubalika zaidi katika FotoBaraza ni zile zilizopigwa na mdau mwenyewe au rafiki yake wa karibu ambaye amemruhusu kutumia picha hizo.

Hatutaweza kuruhusu picha zilizochukuliwa toka katika tovuti zingine bila ya kibali cha maandishi cha tovuti husika. Hii ni kukiuka sheria za hati miliki na inaweza kuchangia FotoBaraza kuondolewa mtandaoni.

Tarehe 12/4, mmoja wa wadau wetu alirusha picha za wanaume walio nusu uchi na ziliwakwaza wadau wengi, nilipata malalamiko kwa njia ya barua pepe. Naomba radhi kwa niaba yake.

Kuna wadau wameomba nimpe adhabu ya kumfungia udau wake, lakini kwa kuwa ni mara yake ya kwanza naomba tumstahi kwa sasa kwani ameniahidi kwa barua pepe kutorudia tena.

Kwa kila picha isiyofaa itaondolewa kwenye FotoBaraza.

Ni hayo tu kwa sasa.Pamoja katika ujenzi wa kijiji.

Babukadja

Mwanzilishi na Msimamizi wa FotoBaraza.

Visit FotoBaraza at: http://fotobaraza.ning.com