ujumbe toka ukerewe

Michuzi,

Pole na kazi na mihangaiko ya kila siku, maana una kazi hasa hii ya kutuelimisha sie wanajamii kupitia blogu yako.

Nimefurahishwa sana na ujumbe maridhwa alaioutuma dada Mwajuma. Kiumri namzidi sana lakini kifikra naona tunalingana. Haya ndio matunda ya kumuelimisha mwanamke, na ule usemi kuwa ukimueilimisha mwanamke umeelimisha jamii nzima hapa ndipo ushahidi wake unapoonekana.

Namuunga mkono Mwajuma kwa hayo aliyosema, kwamba umefika wakati sasa watanzania kuacha tabia zetu za vijiba vya roho na unafiki na kuishi kwa kupendana na kusaidiana.

Mtandao ni maisha ya pili, au second life wenzetu wanasema, na mahala ambako unaweza kutumia kama sokoni kwa manunuzi ya mahitaji mbali mbali vile vile ukakutana na watu ambao mnaweza kuwa na mawazo ya kufanana na mkafanya jambo la maana kwa jamii yenu.

Ni maisha kama yalivyo maisha mengine na haya yamerahisishwa na huu mtandao. Sasa linapokuja suala la kuanza kutukanana matusi eti midamu tu mtu unayemtukana hakuoni sioni mantiki yake kwani Mungu anakuona na dhamira yako itabaki na hiyo dhambi ya matusi mpaka siku unaingia kaburini.

Kuhusu unafiki ni kweli sie tunajulikana kwa watu wa mataifa mengine kama ni watu wapole, wapenda amani, tunapendana, tunawapenda wageni, lakini in reality hivyo sivyo tulivyo! Sisi ni watu wa ajabu sijawahi kuona hapa duniani, hatupendani wala hatuna solidarity, yaani kila mtu yuko against mwenzie kupata.

Afadhali ya walio nyumbani wanaweza hata kupeana vipisi vya sigara au kununuliana bia au kusaidiana hata kwa mawazo, lakini kwa sie tuliyo ughaibuni ni mambo ya aibu tupu hata kuyazungumzia, hakuna lolote ambalo watu wanasaidiana kwa kuwa ni watanzania, bali kwa kuwa tu wana urafiki au wanajuana tangu walivyotoka huko nyumbani. Wako watu waliowachoma (sio moto) wenzao, na huko South Afrika wako waliyowafanyiwa watanzania wenzao mambo ya kinyama kabisa. Huu ubazazi tuanofanyiana katika maisha ya kwanza tumeamua kuhamishia katika maisha ya pili haya ya kwenye mtandao.

Hakuna cha frustrations wala nini ni tabia na roho zetu za ufisadi kiwembe chenye makali kote kote na kuhusudu watu bila sababu za msingi.

Nawashauri wanawake wote tuungane katika hili la kuprotest matusi wanayotupiwa watu kwenye mtandao kwani sie wanawake ndio walezi wa jamii hii ni jamii ijayo, popote pale tulipo tuna jukumu la kuhakikisha tuna jamii yenye mwelekeo, kuwalea watoto wadogo na wakubwa pia!

Tusiunge mkono kabisa tukiona matusi yanamimwinwa kwa mwanamke mwenzetu tuwe mstari wa mbele kukemea tabia hiyo mbaya, mwishoe itafutika katika jamii yetu.

Tupambane na kila aina ya udhalilishaji wa wanawake na hata wale waliojariwa kwa kazi za usanii tunaweza kuwasaidia kuepuka kudhalilishwa na waajiri wao kwa kuwekwa uchi stejini wakati wanaume wakivikwa nguo!

Na wanaume wenye kupenda maendeleo na wenye busara jiungeni nasi katika hili kama vile ambavyo tuliweza kutokomeza matusi ya nguoni hasa yanayotamka sehemu za siri za mwanamke kipindi fulani huko siku za nyuma kwa kampeni kabambe iliyofanywa na gender rights activists.

Tunaweza humu kupeana ushauri wa maana na kufanya jambo kubwa la maana kwa kutumia mtandao mbali na kufurahi na kusalimiana.

Kwa wale ambao waliangalia the TRIBE, hawa ni watu ambao walikutana online na wakaanzisha wazo la kuwa na sustainable green tourism na walifanikiwa kuwa na hiyo project. Unaweza kusearch hicho kikundi ukaona jinsi watu wanavyoweza kutumia mtandao kuleta mabadiliko katika jamii. Sisemi kuwa hata hao wa mataifa mengine hawatukanani, lakini hatuja haja ya kuiga mambi ya kijinga wakati mambo yenye manufaa kwetu yako mengi.

Atakayenitukana shauri yake mwenyewe anajisumbua bure maana halitang'oa ngozi hilo tusi lakini ukweli lazima usemwe tunahitaji kubadilika and YES WE CAN CHANGE!


Ni mimi Bibi Maendeleo,
Masomoni UK