salamu za obama toka kwa chibiriti

Habari za shughuli Bro.Michuzi,

Kwanza kabisa pole na mkutano huo wa Arusha. Pili ninapenda kutoa salamu nyingi kwa wadau wote wa blog hii kama kawaida libeneke, nimekutana na jamaa hapa mji wa Perugia-Italy, mtanzania mwenzangu ambae pia ni mpenzi sana wa blog hii, akaniomba tupige picha na kutoa salamu nyingi kwa wote, kwa kua mimi ni mpenzi mkubwa na wala huwa siogopi, nikamwambia haraka sana tutume salamu bila shida.

Jamaa alikuwa mchoraji kijatuni cha gazeti la uhuru hapo miaka ya nyuma, alijulikana kwa jina la mzee MANJE, kikatuni kiliitwa hivyo kwenye gazeti hilo la uhuru kama kuna mtu atakumbuka hilo.

Na huyo hapo dada tulivyo pamoja kwenye picha ni mai nanihii wake wa moyo, basi anatoa salamu sana kwako Bro. Michuzi na kukusifia sana kwa kazi nzuri unayo ifanya kutupa habari motomoto kila siku, na salamu sana kwa wadau woteeee.......!!!!!!!!!!!!!

Pia na mimi nina machache ya kuwauliza wadau hapa, nini maoni yenu kuhusu ushindi wa OBAMA kwasasa? Mimi binafsi nimefurahi kwa hatua aliyo ifikia hata kama bado hajashinda kabisa, lakini ni hatua nzuri sana.

Ni kasi mpya ya mabadiliko na kama kweli atapita basi anaweza kutoa urasimu mkubwa sana kwa pande zote Duniani, maana bado sana haya mambo yapo sana ya kudhalau sana watu weusi kutokujua kitu na kutojua uongozi mzuri, huu ni ukweli wenyewe hata kama kuna mtu atakasilika basi naomba anisamehe, hapa ninapo ishi Italy bado sana mambo haya yapo tu, sio sana lakini yapo.

Na kwasasa wamepata pigo hawaamini kabisa, ndani ya Bunge lao amechaguliwa mtu mweusi kuwa mbunge wa jimbo fulani bado sijui historia yake vizuri ila nimemwona bungeni, mimi ninasema ni pigo kwasababu hawakutegemea kabisa, kwa vijana sio shida sana nimeongea na wengi wao wanasema hiyo ni kawaida kabisa, ila kwa wazee ni shida.

Mimi nitafurahi sana Obama akishinda katika taifa hili kubwa ulimwenguni na akiongoza vizuri itakuwa ni vizuri zaidi na zaidi, kwahiyo ninamtakia kila lakheri nyingi sana ili aweze kufanikiwa. Mimi yangu ni hayo ninasubiri yenu wadau, utani umo lakini bila kuchafua hali ya hewa au sio?

Salamu sana tena sana kwako Mkuu wa Wilaya.

Ni mimi yuleyule wa siku zote!
B.F.CHIBIRITI.

Mdau Chibiriti!

Asante sana kwa ujumbe. Hakika nimefarijika sana kwa kuibuka kwako kwenye globu hii ya jamii baada ya kimya kirefu. Natumai sio mimi tu niliyekumiss na tunaomba uendelee na libeneke kama kawaida.

- Michuzi