hafla ya kuchangia Pemba Panorama Project yafana

Balozi wa Tanzania Nchini Uingereza na Jamhuri ya Ireland, Mheshimiwa Mwanaidi S. Maajar, akiwa na maofisa wa Ubalozi na wahusika wengine waliohudhuria hafla hiyo
Balozi Maajar akipokea mojawapo ya michango iliyotolewa Balozi Maajar akiwa na baadhi ya wageni
wageni walipata burudani nzito ya ngoma ya sindimba

Tarehe 12/09/2008 Jumuiya ya Wanadiplomasia Vijana ya London (Young Diplomats Association in London – YDL) kwa kushirikaiana na Friends of Commonwealth na Ubalozi wa Tanzania London, waliandaa hafla ya kuchangia mradi wa Pemba Panorama (Pemba Panorama Project), iliyofanyika Marlborough House, Pall Mall, London.

Mradi huo uliombwa na Zanzibar International Film Festival (ZIFF), kwa lengo la kuwasaidia kina mama wenye kipato kidogo Kisiwani Pemba. Zaidi ya watu 250 walihudhuria hafla hiyo iliyoanza saa moja na nusu jioni hadi saa sita usiku.

Katika hafla hiyo jumla ya zawadi 42 zilishindaniwa, baadhi ya zawadi hizo zilitolewa na Ubalozi wa Tanzania London, Zamani Zanzibar Hotel Kempinski , Kilimanjaro Hotel Kempinski, Breeze Beach Club & Spa, New Africa Hotel and Casino pamoja na Shirika la Ndege la Kenya Airways.