mpiganaji athumani kutibiwa sauzi

Safari ya tiba ya mpiganaji Athumani Hamis imekwiva.

Kutokana na umbali mrefu wa safari ya kwenda India katika mazingira aliyonayo mpiganaji huyo, serikali imefanya mabadiliko ya safari yake na sasa ataenda kutibiwa Afrika Kusini na huenda safari ikawa Alhamisi.

Kampuni yake anayofanyia kazi,TSN, imeanza pilikapilika za kufanikisha safari hiyo kwa kuchukua nyaraka muhimu na kuomba nafasi ya usafiri maalum kwa mgonjwa wa aina yake.

Viti sita vinatakiwa kuondolewa katika ndege ili kupisha kitanda maalum ambacho itamwezesha kuendelea kuwa katika utulivu katika safari hiyo.

Wizara ya Afya imeeleza kuwa tayari imeshaanza kuwasiliana na ubalozi wa Tanzania kufanikisha zoezi zima la kumfikisha Athumani kwa tiba.

Habari nyingine zinasema kwamba watu kadhaa ambao walionyesha kutaka kutimiza ahadi zakufanikisha safari hiyo wameshaanza kuwasiliana na TSN kutekeleza ahadi hizo. Tayari kampuni ya Vodacom imeshakata tiketi mbili kwa ajili ya wasindikizaji wa ziada wa mgonjwa safari itapowadia, pamoja na bakshishi za kujikimu wakiwa huko sauzi.

Athumani Hamisi alipata majeraha katika maeneo ya shingo na mgongo akielekea Kilwakikazi ambako Vodacom walikuwa wanafuturisha.

Wenzake wawili,mpiganaji mmojakutoka habari Corporatin na Channel ten walipona katika ajali hiyo ambayo gari walilokuwa wakisafiria limeharibika vibaya na huenda lisitumike tena.

Hali ya mgonjwa kwa sasa ni ya kuridhisha, anakula na kuongea na hata kutaniana na marafiki zake, japo amepooza mauongo yote tokea kifuani kwenda chini.