mtoto samwel nkya kuondoka leo kwenda india

Mtoto Samuel Nkya na chini ni kamati ya kuandaa safari yake ya matiabu India. Toka shoto ni Athumani Hamisi, Baba yake Mzee Nkya, Mwenyekiti wa kamati David Sawe na Balozi wa Zain
Nakuandikia kukujulisha kuwa safari ya mtoto Samuel uliyemwangaikia sana ni leo saa 8:10 kwa kutumia ndege ya Qatar toka DSM kupitia Doha hadi Mumbai.

Vyombo vya habari vya ITV,Guardian,TSN na Blog ya Michuzi vitakuwepo Airport saa 6:00 ili kupokea neno la shukurani na kuagana na mwanetu.

Aidha pamoja na salaam hiyo, ninaungana nanyi kumwobea mwenzetu Athumani Hamisi aendelee kupona na kupata afya njema.

Narejea kuwashukuru sana kwa kazi kubwa mliyoifanya.Nawiwa kuwaomba radhi kwa usumbufu au vikwazo vyovyote katika harakati zote za kukusanya misaada ya mtoto huyu. Mimi kama mwanadamu mwingine yeyote sikamiliki.

Nitaendelea kuwasiliana nanyi moja kwa moja kutoka hospitali ya Workhardt Mumbai kuwapa taarifa za muhimu
Nawatakia afya njema na kila la heri siku zote..
Emanuel Nkya
Safarini Mumbai

Habari kamili ya mtoto Samuel inapatikana kwa kubofya hapa