UJUMBE MAALUMU KWA WADAU

KUNRADHI WADAU,

HUWA SINA KAWAIDA YA KUSEMA SEMA SANA ILA NATAKA NIWEKE JAMBO MOJA SAWA.

KUNA HILI LIBENEKE LA WATU KUTUMA PICHA NA SALAMU KWA WADAU WENZAO AMBALO LILIWAHI KUSITISHWA KWA MUDA BAADA YA JAMAA KUCHAFUA HALI YA HEWA, NA BAADAYE LIKAFUNGULIWA TENA NA HADI LEO PICHA NA SALAMU VINAPOKEWA NA KUTUNDIKWA KAMA KAWAIDA.

KUNA BAADHI YA WADAU WANA TABIA YA KUCHAFUA HALI YA HEWA NA KUKATISHA TAMAA WENZAO KWA KUOSHA VINYWA, HATA SIJUI NI KUTAKA SIFA AMA KUPUNGUZA STRESI ZAO ZA MAISHA, MRADI TU WAMJERUHI MDAU MWENZAO.

UJUMBE HUU NI KUWATOA HOFU WADAU WOTE WANAOTAKA KUTUMA SALAMU NA PICHA HASA KATIKA MSIMU HUU WA SIKUKUU YA IDD EL FITR, KWANI HAKUNA HATA MDAU MMOJA ATAYEJERUHIWA KWANI NAHAKIKISHA HALI YA HEWA INABAKI SAFI KWA KILA PICHA NA SALAMU.

HAO WADAU WACHACHE WAOSHA VINYWA NAWAOMBA WASIJISUMBUE KUTAKA KUCHAFUA HALI YA HEWA KWENYE GLOBU HII YA JAMII KWANI MAONI YAO HAYATOONA MWANGA WA JUA.

WAKATABAHU

-MICHUZI

NB: KAMA ILIVYOA ADA TAYARI HAPO CHINI KUNA WAPENDWA WADAU KIBAO AMBAO BAADHI WANATAKA KUPOTOSHA UKWELI NA KUNIWEKA MANENO MDOMONI KWAMBA NINA NIA YA KUZUIA UHURU WA HABARI. NAOMBA NISEME SINA NIA HIYO NA WALA MIE SIJASEMA NAZUIA KILA KITU, BALI MAONI YANAYOCHAFUA HALI YA HEWA KAMA VILE MATUSI YA NGUONI NA CHUMBANI NDIYO TATIZO. NA HAYO NI MENGI KULIKO MTAVYOWEZA KUFIKIRIA.

PIA ENDAPO KAMA UHURU WA HABARI NI KUMJERUHI MDAU MWENZETU KWA KUMSUTA NA KUMVUA NGUO HADHARINI, BASI LIWALO NA LIWE LAKINI KATU SINTORUHUSU HALI IWE HIVYO KATIKA GLOBU HII YA JAMII.

IELEWEKE PIA KWAMBA KUNA UTANI AMBAO KAMA ANAVYOSEMA MDAU HAPO CHINI NDIO CHACHANDU ZA GLOBU, HAYO MATANI SINA NENO NAYO. NONGWA YANGU NI MATUSI YA NGUONI NA KUJERUHI WADAU WENZETU

LIBENEKE OYE!