BREKING NYUUZZZZZZ: ALBINO WAANZAISHA TIMU YA SOKA, WAANZA TIZI

baadhi ya wachezaji wa albino magic team wakila jalamba leo uwanja wa ocean road
winga machachari wa timu hiyo akikata mbuga
beki mkali akidhibiti mashambulizi, n chini ni 'ronaldo' wa albino magic team

HABARI NJEMA KWA WANAHARAKATI WA UNYAMA DHIDI YA MAALBINO

HUKU KUKIWA NA WAHAKA JUU YA MSTAKABALI WA USALAMA WAO KUTOKANA NA VITENDO VIOVU VYA KUWATOA ROHO KWA IMANI ZA KIHIRIKINA, WADAU AMBAO NI ALBINO WAMEANZISHA RASMI TIMU YA SOKA INAYOJULIKANA KAMA 'ALBINO MAGIC TEAM' YENYE MAKAO YAKE KATIKA TAASISI YA SARATANI YA OCEAN ROAD DAR.

KWA MUJIBU WA MRATIBU WA TIMU HIYO, OSCAR HAULE, TIMU HIYO YENYE WACHEZAJI WA UMRI MBALIMBALI IMEANZA TIZI UWANJA WA OCEAN ROAD KILA SIKU JIONI, NA ENDAPO MAMBO YATAKUWA MSWANO WATACHEZA MECHI YAO YA KWANZA WIKI IJAYO NA TIMU AMBAYO ITATAJWA KARIBUNI.

PAMOJA NA KULA TIZI LA NGUVU KILA SIKU, TIMU HIYO HIVI SASA IKO KATIKA KUSAKA WAFADHILI AMBAO WATAWASAIDIA KUPATA VIFAA VYA MICHEZO PAMOJA NA MAHITAJI MUHIMU IKIWA NI PAMOJA NA MADAWA NA LISHE ILI KUJIWEKA FITI.

MDAU HAULE AMETOA WITO KWA ALBINO NCHI NZIMA KUJIUNGA PAMOJA NA KUANZISHA TIMU ZA MICHEZO MBALIMBALI IKIWA NI NJIA MOJAWAPO YA KUHAMASISHA UMMA KUWAONA KWAMBA WAO NI WANAJAMII KAMA WALIVYO WATU WENGINE.

AMETOA MWITO PIA KWA MAKAMPUNI NA WATU BINFASI KUISAIDIA ALBINO MAGIC TEAM KWA HALI NA MALI ILI HUKO MBELENI IKIWEZEKANA WAANZISHE LIGI YAO ILI KUENDELEZA LIBENEKE LA KUMALIZA DHANA POTOFU KWAMBA ALBINO HAWAWEZI KUFANYA JAMBO KATIKA JAMII NA PIA KUONDOA UNYANYAPAA WA KILA AINA UNAOWAKABILI.

MRATIBU HUYO AMESEMA WAKO TAYARI KUPOKEA MSAADA WA AINA YOYOTE ILI KUFANIKISHA AZAMA YAO YA KUJIKOMBOA WENYEWE KUTOKA KATIKA LINDI LA UNYANYASAJI NA UHARAMIA DHIDI YAO.

AMESEMA NAMBA YAO YA SIMU NI

+255 716 040 550

HAYA SHIME WADAU, NDUGU ZETU HAWA WAMEAMUA KUJIKOMBOA NA TUWASAIDIE KWA HALI NA MALI ILI NDOTO YAO ITIMIE...