jumuiya ya italy yapata viongozi wapya

Mwenyekiti wa jumuiya ya watanzania Italy ndugu Abdulrahaman A.Alli (tai nyekundu) akimtangaza rasmi mwenyekiti mpya wa tawi la jumuiya ya watanzania Italy mjini Modena.Ndugu Nyalus Pascal Jonas aliechaguliwa kwa asilimia 90% ya kura zote.Tawi la Modena litajumuisha mikoa yote ya karibu ambayo ina watanzania wachache. Tayari mwenyekiti mpya amesha itisha mkutano wa viongozi wa tawi ambao utafanyika siku ya jumamosi,katika mkutano huo mwenyekiti anategemewa kumteuwa kaimu wake na wajumbe wawili wa tawi la jumuiya Modena. Mwenyekiti wa jumuiya ya Watanzania kupitia blog anapenda kurudia tena kuwashukuru wale wote waliopata fursa ya kuhudhuria na kufanikisha uchaguzi kwa jumla,na kwa wale wote waliokosa nafasi ya kufika na hata wale ambao taarifa hazikuwafikia kwa haraka waungane kwa pamoja na kuyakubali maamuzi ya wengi.
Mweka hazina Bi Halima akitoa shukrani kwa kuchaguliwa na machache juu ya utendaji wake wa kazi za jumuiya,alisema ingawa itamuwia vigumu kimuda lakini aliahidi kwa jumuiya kutekeleza wajibu wake kwa mujibu wa katiba.

Katibu wa tawi jipya la Modena aliyechaguliwa kwa kura nyingi sana ndugu Mwinyimwaka Khatibu,akiongea machache mara baada ya kutangazwa rasmi na mweneykiti wa jumuiya ya watanzania Italy.Ndugu Khatibu amekuwa akijishughulisha sana na masuala ya jumuiya hata kabla ya kuundwa kwa tawi mjini Modena. kulia ni mweka hazina ndugu Kombo Kajembe na kushoto ni mjumbe maalum kutoka Padova ndugu Zacharia ambae alikuwa msimamizi wa kura. Ndugu Zacharia aliongozana na mkewe na mtoto.

Huu ulikuwa wakati wa maswali

Bi Halima Mwevi (Mrs H.kasongo) alichaguliwa yeye pamoja na ndugu Kombo Kajembe(wa mwisho kulia) kuwa ni waweka hazina wa tawi jipya la jumuiya ya Watanzania mjini Modena.