NI KUFA AU KUPONA TAIFA STARS LEO

Beki Nadir Haroub akikabana na Mallick wa Senegal juzi. Uzuri wa Nadir Haroub yeye huwaga hana mechi rahisi wala ngumu. Yaani yeye mechi zote kwake ni sawa na akaza vile vile. Big up Nadir Haroub, tunakutegemea katika defence leo usiku na Ivory Coast. Kuna jamaa wa Ivory Coast anapiga vibaiskeli kama vya Ronaldo, huyu wa kumchunga sana.

Na Florian Kaijage, Abidjan
Taifa Stars inashuka tena Jumatano katika uwanja wa Felix Hophet Boigny jijini hapa kupambana na wenyeji Ivory Cost katika mchezo ambao lazima iepuke kufungwa ili kubakia na matumaini ya kufuzu kwa nusu fainali.

Mazingira ya Stars kuhitaji kuepuka kupoteza mchezo dhidi ya Ivory Cost yanatokana na kufungwa bao 0-1 na Sengal katika mchezo wa kwanza uliofanyika Jumapili iliyopita.

Kwa upande wa wenyeji hali yao ni mbaya zaidi kufuatia kipigo kikali cha mabao 0-3 walichokipata kutoka kwa majirani wa Stars, Zambia na kuibua hofu kubwa miongoni mwa mashabiki wa Ivory Cost kuwa inawezakana timu yao ikafurushwa mashindanoni ikingali mapema.

Na kuna uwezekano mkubwa mazingira ya mchezo wa Taifa Stars na Tembo (Elephants) wa Ivory Cost utakaoanza saa 4 kamili usiku za Afrika Mashariki, yakawa ya mashaka zaidi kwa timu zote mbili kwa vile timu zilizoshinda michezo ya kwanza ya kundi A, Zambia na Senegal zitakuwa tayari zimecheza katika mchezo wa mapema saa moja usiku.

Kocha wa Stars Marcio Maximo ameeleza kufahamu na kuzingatia kikamilifu mazingira yanayouzunguka mchezo wa timu yake dhidi ya wenyeji.

‘Tunafahamu watatushambulia tangu mwanzo na kutuweka katika hali ngumu ya kimchezo hasa ukizingatia kuwa watakuwa na mashabiki wao wakiwahamasisha kwa nguvu lakini hilo haliwatishi vijana wangu kwani hali hiyo itakuwa inatia zaidi shinikizo kwa wenyeji kuliko sisi’ alieleza Maximo.

Hata hivyo Maximo alikiri kuwa ili kupata matokeo yanayohitajika dhidi ya wenyeji ni lazima wachezaji wa Stars wajitolee zaidi kikmchezo kuliko walivyofanya katika mchezo dhidi ya Senegal.

‘Dakika kama 30 za mwisho tulihatarisha maisha ya wasenegali kwa kuwa tuliwashambulia huku tukionesha nia thabiti ya kusawazisha goli, malengo yetu hayakufanikiwa, sasa tuanhitaji kujifunza kutoka yale ambaye hatukuyafanya kwa ufanisi na kuyarekebisha ili jitihada zetu ziweze kuzaa matunda ambayo watanzania wanayataka’ alifafanua mtaalamu huyo raia wa Brazil.

Alibainisha hata hivyo kuwa kutokana na tembo wa Ivory Cost kuwa na maumbo makubwa kimwili amesisitiza wachezaji wa Stars kutilia mkazo mchezo wa kugongeana kwa kuwa wapinzani wana nguvu zaidi hivyo katika hali ya kunyang’anyana mipira Ivory Cost watafaidika zaidi.

‘Ili kuwamuda watu wa aina hiyo lazima tugongeane sana tena kwa kasi kwani kisayansi mtu mwenye umbo kubwa hawezi kukimbia kwa kasi.
Kuhusu kikosi chake Maximo anatarajiwa kufaya marekebisho kadhaa ili kupata matokeo mazuri.

Sehemu ya kiungo ukabaji(namba sita) inatarajiwa kuchezwa na Nurdin Bakari akichukua nafasi ya Geofrey Bony aliyeumia katika mchezo wa Sengal huku kiungo Kigi Makasi ambaye hakushiriki mchezo wa kwanza kutokana kuwa na kadi mbili za njano alizooneshwa katika michezo ya kufuzu, anatarajiwa kuwemo katika kikosi cha kwanza ili kuimarisha mashambulizi ya kutokea pembeni kushoto na kutumia vema mipira ya adhabu ndogo na kona.

Kadhalika huenda kijana mpya Mwinyi Kazimoto akapewa nafasi ya kucheza sehemu ya mchezo huo japo si kuanza.

Safu yote ya ulinzi ikiongozwa na nahodha Shadrack Nsajigwa akisaidiana na mchezaji mzoefu kuliko wote Salum Swed na mchezaji anayepigiwa mfano kwa kujituma, Nadir Haroub Cannavaro na Juma Jabu.

Henry Joseph, Mrisho Ngasa, Nizar Khalfan, Jerson Tegete, Haruna Moshi na Mlinda lango Shaaban Dihile bila shaka wataendelea kuaminiwa na kupewa nafasi ya kulitetea taifa, japo kwa kiasi fulani Haruna ambaye alitolewa mapema kipindi cha kwanza na nafasi yake kuchukuliwa na Mussa Hassan Mgosi alionekana kuwa na siku mbaya na kumfanya asitekeleze ipasavyo majukumu yake uwanjani aliyopewa na mwalimu.