miss morogoro leo usiku

warembo watakaopanda jukwaani leo usiku kwa ajili ya kinyang'anyiro cha kumsaka malkia wa Miss Morogoro 2009 kwenye ukumbi wa Hoteli ya Masuka ya Mjini Morogoro.

WAREMBO 11 wanatarajia kupanda jukwaani leo usiku kwenye ukumbi wa Hoteli ya Masuka village ya kwa ajili ya kinyang’anyiro cha kumpata malkia wa Miss Morogoro 2009.

Mkurugenzi wa Kampuni ya FG arts Promotion, Frank Kikambako , ambao ni waandaaji wa shindano hilo , alisema jana mjini hapa kuwa maandalizi yote muhimu yamekamilika.

Alisema kutokana na ubora wa warembo waliojitokeza mwaka huu ana imani Mkoa wa Morogoro utafanya vizuri katika kinyang’anyiro cha kumsaka Miss Tanzania kitakachofanyika baadaye mwaka huu.

Kwa mujibu wa Mkurugenzi huyo, aliwataka warembo wanaotarajia kupanda jukwani kwenye kinyang’anyiro hicho ni Shekha Washokera ( 23) Upendo Paul ( 18),J oyce Peter ( 20), Tory Oscar (21), Frola Florence ( 19) na Lorna George (18.

Wengine katika kinyang’anyiro hicho ni Nicole Denis (19) Jacquline Laizer (21), Upendo Damian ( 19) , Mariam Didi (21) pamoja na mlemavu wa kiziwi Carolyn Emmanuel (21).

Kwa mujibu wa Mkurugenzi huyo, shindano hilo limedhaminiwa kwa pamoja na Kampuni ya simu za mkononi ya VodaCom, Ze Club, B one Lodge na Masuka Village na litasindikizwa kwa burdani za wasanii wa muziki wa kizazi kipya kutoka kwa Tunda Man, Spark na Madee pamoja na muziki waTaarabu.

Kwa upande wao warembo hao wakizungumzia kwa nyakati tofauti wakiwa kambini kuhusu kinyang’anyiro hicho, walisema shindano hilo ni ngumu kubashiri mshindi kwa kuwa kila mshiriki ana vigezo vinavyojitosheleza kuibua mshindi.