Siku ya afrika ilivyosherehekewa London

Balozi wa Afrika ya Kusini, Mheshimiwa Lindiwe Mabuza, akifungua rasmi sherehe za kuadhimishwa kwa Siku ya Afrika hapa nchini Uingereza.
Mheshimiwa Balozi wa Botswana, na ambaye ni Mkubwa wa Mabalozi wa nchi za Afrika hapa Uingereza Bwana Roy Blackbeard, akitoa hotuba katika kuadhimishwa siku ya Afrika hapa Uingereza.

Mheshimiwa Balozi wa Tanzania, Mama Mwanaidi S. Maajar {katikati ya Picha} akiwa pamoja na Balozi wa Botswana, Bwana Roy Blackbeard {kushoto} na Balozi wa Afrika ya Kusini Mama Lindiwe Mabuza {kulia mwa Picha} wakibadilishana mawazo katika kuadhimisha Rasmi siku ya Afrika hapa Uingereza.

Ujumbe wa Tanzania katika kuadhimisha siku ya Afrika hapa Uingereza. Kutoka Kulia ni mwa picha ni Bwana Othman Mashanga, Dada Caroline Chipeta, Bwana David Nginila, na Bwana Sylvester Ambokile, maofisa wa Ubalozi wa Tanzania.

Baadhi wa Wajumbe na Wawakilishi wa Jumuiya za Watanzania hapa Uingereza wakiwa kwenye picha ya pamoja na, Mheshimiwa Balozi wa Tanzania, Mama Mwanaidi Senare Maajar {Kushoto mwa Picha}, Bwana Zahran, Bwana David Maira, Dada Suzan Mzee.

Siku ya Afrika iliadhimisha rasmi jana hapa nchini Uingereza kwa kujuisha nchi zote za Afrika zenye Balozi au Wawakilishi wao hapa nchini Uingereza.

Katika sherehe hiyo rasmi ya kuadhimishwa kwa Siku ya Afrika, kulitolewa hotuba na Balozi wa Botswana na mbaye ni Mkuu wa Mabalozi wa nchi za Afrika hapa Uingereza, Mheshimiwa Roy Blackbelly.

kabla ya kutolewa hotuba hiyo, Balozi wa Afrika ya Kusini, Mheshimiwa Mama Lindiwe Mabuza, alifungua kwa kuwakaribisha Mabalozi, Wawakilishi, Marafiki wa nchi za Afrika na wageni mbalimbali waalikwa kwa kuwashukuru na kujumuika kwao na Waafrika wote Duniani katika kuadhimisha rasmi siku hiyo hapa Uingereza.

Upendo, Ushirikiano ,Mshikamano miongoni mwa nchi zote za Afrika, Kufuta Umasikini, kudumisha Amani vilihimizwa sana.