'mamodo' wabunge watia fora kwenye shoo ya mitindo dodoma

mama wa mitindo asia idarous-khamsin (wa nne shoto) akiwa na baadhi ya waheshimiwa waliofanya shoo ya mitindo mjini dodoma ijumaa usiku

Waziri Mkuu Mh. Mizengo Pinda na Mkurugenzi mtendaji wa Vodacom Tanzania Dietlof Mare kwenye hafla hiyo iliyofana sana

baadhi ya waheshimiwa wakiwa katika hafla hiyo

Mh. Karamagi ni mmoja wa 'mamodo' waliotia fora sana kwenye shoo hiyo. Chini ni Mh. Hafidh Ally ambaye naye alikonga nyoyo za watazamaji kwa mbwembwe zake jukwaani

Mbunge wa viti maaalum, Al-Shymaa Kwegyir, akipita jukwaani na vazi la ubunifu, wakati wa onyesho hilo,

PINDA AASA WANANCHI KUTUMIA M- PESA

WAZIRI Mkuu Mizengo Pinda, amewaasa wananchi na wabunge wa Jamhuri ya Muungano wa Tanzania kutumia huduma ya M-pesa inayotolewa na Kampuni ya simu za mikononi ya Vodacom Tanzania na kuwataka wabunge na Watanzania kuitumia huduma hiyo kwa kutuma na kuchukua fedha ili kuokoa muda wanaoupoteza wanapokwenda kupata huduma hiyo sehemu nyingine na kuwaomba wabunge kuwaelimisha wananchi majimboni mwao.

Pinda alitoa wito huo Ijumaa usiku alipokuwa kwenye hafla ya 'Meet and Greet' ambapo kampuni ya simu ya vodacom ilichukua furusa hiyo kwa ajili ya kuelezea huduma za M-pesa pamoja na zoezi la usajili wa laini za simu.

Usiku huo ulipambwa na onesho la mitindo ya mavazi ambapo wabunifu kadhaa walionesha kazi zao, mamodo wakiwa baadhi ya waheshimwa wabunge. Bendi ya muziki ya Les Capitale 'Wazee Sugu' chini King Kikii ilitumbuiza.

Waziri mkuu alisema M-pesa ni huduma bora kwa kuwa humfanya mtu kutokwenda kupanga foleni ya kutuma, kupokea au kuchukua fedha katika taasisi zinazojihusiha na fedha pia ni huduma inayoweza kumsaidia mtanzania kununua Luku,kulipa bili ya maji Dawasco na kupokea mishahara yao kupitia njia hii kiurahisi zaidi.

“Hawa jamaa (Vodacom) walipokuja kunieleza huduma hii, niliwaambia ni vema habari hii wakaifikisha kwa wabunge kwa kuwa wao wanaweza kuifikisha vizuri zaidi kwa wananchi” alisema Pinda

Pinda alisemaa kutokanaa na kuhamasishwa huko hata yeye ataanza kuitumia huduma ya M-pesa pamoja na kusajili laini ya simu yake ili aweze kwenda na mabadiliko ya teknolojia.

“Kesho na mimi nitakwenda kusajili simu yangu, nimeelezwa hapa bungeni kuna vibanda vinatoa huduma hiyo” alisema Mh. Pinda.

Naye meneja wa Vodacom Innocent Ephraim, ambae ni mtaalamu wa huduma ya M-pesa alisema ni huduma nzuri kwa kuwa haimfanyi mtu kutembea na fedha nyingi lakini pia hurahisisha zoezi la kutuma na kupokea fedha.

Alisema zoezi hilo lina manufaa zaidi kwa kuwa hata maeneo ya vijijini yasiyo na taasisi za kifedha huweza kunufaika na mfumo huo uliobuniwa kwa ajili ya kuboresha maisha ya mtumiaji wa mtandao huo.

Aidha kuhusu zoezi la usajili wa simu, alisema mawakala mbalimbali wa mkoani hapa wanatoa huduma hiyo ili mradi mtu awe na vitambulisho vinaavyotakiwa.

“zoezi la usajili wa laini si lazima uende Dar es salaam au sehemu nyinginezo kwa kuwa hata mawakala wa hapa wanatoa huduma hiyo” alisema mtaalamu huyo